உங்க மகனுக்கு மவுசு இல்லை, ரூ.2 சி வேண்டும்: தயாரிப்பாளரை அதிர வைத்த நடிகை

சென்னை: உங்களின் மகனுடன் நான் நடிக்க வேண்டும் என்றால் ரூ.2 கோடி சம்பளம் வேண்டும் என்று கூறி நம்பர் நடிகை பிரபல தயாரிப்பாளரை அதிர வைத்துள்ளாராம்.

பிரபல தயாரிப்பாளரின் இரண்டாவது மகன் அண்மையில் நடித்த படங்கள் எதுவும் சரியாக ஓடவில்லை. இதனால் மகனை வைத்து ஒரு படத்தை தயாரிக்க தந்தை முடிவு செய்துள்ளார். அந்த படத்தில் தற்போது கோலிவுட்டின் முன்னணி நாயகியாக உள்ள நம்பர் நடிகையை நடிக்க வைக்க தயாரிப்பாளர் திட்டமிட்டார்.

இதையடுத்து அவர் நடிகையை அணுகி தனது மகனுக்கு ஜோடியாக நடிக்குமாறு கேட்டுள்ளார். அதற்கு நடிகையோ, உங்கள் மகனுக்கு மவுசு இல்லை, படத்தை என்னை வைத்து தான் ஓட்ட வேண்டும். அதனால் ரூ.2 கோடி சம்பளம் கொடுத்தால் நடிக்கிறேன் என்று தெரிவித்துள்ளார்.

இதை கேட்ட தயாரிப்பாளர் ஆடிப்போய்விட்டாராம். நடிகைக்கு கை நிறைய படங்கள் உள்ளன. மேலும் முன்னணி ஹீரோக்களின் படங்களில் நடிக்க வாய்ப்புகளும் வருகின்றன. அதை எல்லாம் மனதில் வைத்து தான் அவ்வாறு பேசியுள்ளார்.

அவர் எவ்வளவு பெரிய தயாரிப்பாளர். அவரையே நடிகை அதிர வைத்துவிட்டாரே என்று கேட்டால் இது தான் பாஸ் திரை உலகம் என்கிறார்கள் கோடம்பாக்கத்தினர்.