படங்களில் நடிக்க '2 கன்டிஷன்' போடும் நம்பர் நடிகை

சென்னை: நம்பர் நடிகை தன்னை படங்களில் நடிக்குமாறு கேட்டு வருபவர்களிடம் இரண்டு கன்டிஷன் போடுகிறாராம்.

வயது 30 ஆனாலும் இன்று கோலிவுட்டில் அதிக மவுசு உள்ள நடிகை நம்பர் தான். காதல் தோல்விகள், கிசுகிசுக்கள் என எவற்றாலும் அவரது மார்க்கெட் கடுகு அளவு கூட பாதிக்கப்படவில்லை. மாறாக அவருடன் நடிக்க ஹீரோக்கள் போட்டா போட்டி போடுகின்றனர்.

அதனால் அவரும் மகிழ்ச்சியாக நடித்துக் கொண்டிருக்கிறார். கிறங்கடிக்கும் கவர்ச்சி, நீச்சல் உடை காட்சிகளில் நடித்து பலரின் புருவங்களை ஆச்சரியத்தில் உயர வைத்தவர் அவர். இந்நிலையில் அவர் தற்போது தன்னை படங்களில் நடிக்க வைக்க வருபவர்களிடம் இரண்டு நிபந்தனைகள் விதிக்கிறாராம்.

ஒன்று நீச்சல் உடை அணிந்து நடிக்க மாட்டேன் என்பது. இரண்டாவது, கவர்ச்சியான காட்சிகளில் நடிக்க மாட்டேன் என்பது. அவர் என்ன தான் அதிகமாக சம்பளம் கேட்டாலும், நிபந்தனைகள் விதிதdதாலும் தயாரிப்பாளர்கள் அவரது வீட்டு வாசலில் காத்துக் கிடந்து அவரை ஒப்பந்தம் செய்கிறார்கள்.

அண்மையில் அவர் நடிப்பில் வெளியான படம் நன்றாக ஓடிக் கொண்டிருக்கிறது. படத்தில் நடிகையின் நடிப்பை பலரும் பாராட்டியுள்ளதால் அவர் குஷியாக உள்ளார் என்பது குறிப்பிடத்தக்கது.