எனக்கு யாரும் பொண்ணு தர மாட்டேங்கிறாங்களே: பிக்கப் டிராப் நடிகர் கவலை

சென்னை: பிக்கப் டிராப் நடிகர் நயன நடிகையிடம் இருந்து சற்று தள்ளியே இருக்கிறார். திருமணத்திற்கு பெண் கிடைக்காமல் உள்ளதால் தான் இப்படி ஒரு நடவடிக்கையாம்.

இது உடலா ரப்பரா என்று கேட்கும் அளவுக்கு டான்ஸ் ஆடும் அந்த நடிகர், இயக்குனர், டான்ஸ் மாஸ்டரை காதலித்து திருமணம் செய்து கொள்ள முடிவு செய்து சினிமாவுக்கு முழுக்குப் போட்டார் நயன நடிகை. ஆனால் அந்த காதல் முறிந்த பிறகு மீண்டும் நடிக்க வந்துவிட்டார். அவர் ரீ என்ட்ரி கொடுத்ததில் இருந்தே அவர் பெயரும், பிக்கப் டிராப் நடிகரின் பெயரும் சேர்ந்தே அடிபட்டது.

நடிகர் கண்டுகொள்ளாவிட்டாலும் நடிகை அவ்வப்போது இது எல்லாம் வெறும் வதந்தி வதந்தி என்று கூறியதை யாரும் கண்டுகொள்ளவில்லை. பிக்கப் டிராப் நயனத்துடன் மட்டும் அல்லாமல் உயர்ந்த நடிகை, சிவத்த பொண்ணு உள்ளிட்டோரிடமும் நெருக்கம் காட்டி வருகிறார்.

நடிகரின் தோட்டத்தில் பல ரோஜாக்கள் இருந்தாலும் பலர் அவரிடம் உங்களுக்கும் நயனத்துக்கும் இடையே தான் வலுவான உறவாமே என்று கேட்கத் துவங்கியுள்ளனர். இதையடுத்து நடிகர் நயனத்தை அடிக்கடி சந்தித்து கடலை போடுவதை குறைத்துள்ளாராம். மேலும் அவருடன் படங்களில் சேர்ந்து நடிப்பதையும் தவிர்க்கிறாராம் நடிகர்.

இரண்டு புதிய படங்களில் பிக்கப் டிராப் நடிகருடன் நயனம் தான் நடிப்பதாக இருந்தது. ஆனால் நடிகர் தான் அவர் வேண்டாம் என்று கூறி சிவத்த பொண்ணு மற்றும் புஸு புஸு நடிகையை பரிந்துரை செய்தாராம். அவர் இவ்வளவையும் செய்ததற்கு காரணம் அவரின் பிக்கப் டிராப் மேட்டரால் திருமணத்திற்கு யாரும் பெண் தர மாட்டேன் என்பதால் தான்.

தற்போது புஸு பஸு நடிகையும் பிக்கப் டிராப்புடன் நெருக்கம் காட்டி வருகிறார் என்பது குறிப்பிடத்தக்கது.