பாட்டையும் கசியவிட்டுட்டு, புகாரும் கொடுப்பீங்களோ: படக்குழுவை அதிர வைத்த போலீசார்

சென்னை: பாட்டையும் பப்ளிசிட்டிக்காக லீக் செய்துவிட்டு புகாரும் கொடுக்க வருவீர்களோ என்று போலீசார் விரல் நடிகரின் இரண்டு எழுத்து படக்குழுவை எச்சரித்தார்களாம்.

விரல் நடிகர், தனது முன்னாள் காதலியுடன் சேர்ந்து விலங்கின் பின்னால் இருக்கும் உறுப்பின் பெயர் கொண்ட இரண்டு எழுத்து படத்தில் நடித்து வருகிறார். இந்த படத்தின் இசை வெளியீட்டு விழாவை நடத்த படக்குழு திட்டமிட்டிருந்தது. ஆனால் அதற்கு முன்பே பாடல்கள் இணையதளத்தில் கசிந்துவிட்டன.

இதையடுத்து படக்குழுவினர் வரிந்து கட்டிக் கொண்டு கமிஷனரிடம் புகார் கொடுக்க கிளம்பினார்களாம். இது குறித்து தகவல் கிடைத்ததும் கமிஷனர் அலுவலகத்தில் இருந்தே படக்குழுவை அணுகினார்களாம். விளம்பரத்திற்காக நீங்களே பாட்டுகளை இணையதளத்தில் கசியவிடுவீர்கள் பின்னர் எங்களிடம் புகார் கொடுப்பீர்களா என்று கேட்டார்களாம்.

நீங்கள் தான் பாடல்களை கசியவிட்டது என்று எங்களுக்கு தெரியும். அதனால் புகார் கொடுத்து எங்கள் நேரத்தை வீணாக்காதீர்கள் என்று போலீசார் தெரிவித்தார்களாம். இதையடுத்து புகார் கொடுக்க கிளம்பிய படக்குழு சத்தத்தையே காணவில்லையாம்.