தொகுப்பாளினியோடு தனித்தீவில் அரசியல் புள்ளி.. ரூட்டு போட்டு கொடுத்த நடிகருக்கு செம்ம கவனிப்பு!

மும்பை: பாலிவுட் வட்டாரங்களில் இப்போது எங்கு திரும்பினாலும் ஒரே ஒரு ரகசிய விவகாரம் தான் கிசுகிசுப்பாகப் பேசப்பட்டு வருகிறது. மக்கள் மத்தியில் எப்போதும் வெளிச்சத்தில் இருக்கும் ஒரு பிரபல டாப் டிவி தொகுப்பாளினிக்கும், வட மாநிலத்தைச் சேர்ந்த ஒரு பவர்ஃபுல் அரசியல் புள்ளிக்கும் இடையே நீண்ட நாட்களாகவே ரகசிய நட்பு இருந்து வந்ததாகக் கூறப்படுகிறது.

பொது மேடைகளிலும், அரசியல் விவாதங்களிலும் அந்த அரசியல் புள்ளி எவ்வளவு பிஸியாக இருந்தாலும், இந்த தொகுப்பாளினிக்காகத் தனி நேரம் ஒதுக்குவதை வழக்கமாகக் கொண்டிருந்தாராம். இந்த நிலையில், கடந்த சில தினங்களுக்கு முன்பு யாருக்கும் தெரியாமல் இருவரும் வெளிநாட்டில் உள்ள ஒரு தனித்தீவுக்கு ரகசியச் சுற்றுலா சென்றுள்ளதாக பாலிவுட் வட்டாரங்கள் கிசுகிசுக்கின்றன. தேர்தல் மற்றும் அரசியல் வேலைகளுக்கு நடுவே, யாருடைய கண்ணிலும் படாமல் இருக்கவே இந்த தனித்தீவு திட்டம் போடப்பட்டதாம்.

ரூட்டு போட்டுக் கொடுத்த நடிகர்: இந்த விவகாரத்தில் அதிரடியான திருப்பமே, இவர்களின் இந்த ரகசியத் தீவு பயணத்திற்குப் பின்னால் பாலிவுட்டின் முன்னணி நடிகர் ஒருவர் மாஸ்டர் மைண்டாகச் செயல்பட்டிருப்பது தான். அரசியல் புள்ளியோடு நெருங்கிய நட்பில் இருக்கும் அந்த நடிகர், இருவருக்கும் எந்தவித இடையூறும் இல்லாத, ஊடகங்களின் கண்களில் படாத ஒரு பாதுகாப்பான தனித்தீவைத் தேர்ந்தெடுத்து, அங்கு செல்வதற்கான அத்தனை வழிகளையும் கச்சிதமாகப் போட்டுக் கொடுத்துள்ளார். அரசியல் புள்ளியின் நிழல் போலச் செயல்பட்ட அந்த நடிகர், பயண ஏற்பாடுகள் முதல் தங்குமிடம் வரை அனைத்தையும் ரகசியமாகத் திட்டமிட்டு முடித்துக் கொடுத்துள்ளார்.

நடிகருக்குக் கிடைத்த செம்ம கவனிப்பு: தன்னுடைய ரகசியப் பயணத்தை எவ்விதப் புகாருமின்றி சொகுசாக முடித்துக் கொடுத்த அந்த நடிகருக்கு, அரசியல் புள்ளி தரப்பில் இருந்து இப்போது "செம்ம கவனிப்பு" கவனிப்பு நடந்துள்ளதாகத் தகவல்கள் வெளியாகியுள்ளன.

பாலிவுட் டாக்: நடிகரின் அடுத்தடுத்த படங்களுக்குத் தேவையான நிதியுதவிகள் மற்றும் அரசியல் ரீதியான சில முக்கியப் பின்பலங்களை அந்த அரசியல் புள்ளி செய்து கொடுத்திருப்பதாகத் தெரிகிறது. அதுமட்டுமின்றி, நடிகருக்குச் சொந்தமான சில தொழில்களுக்கும் அரசு தரப்பில் இருந்து பெரிய அளவில் சலுகைகள் கிடைக்க வழிவகை செய்யப்பட்டுள்ளதாம்.

யாரும் யூகிக்க முடியாத இந்த ரகசியக் கூட்டணி மற்றும் சொகுசுப் பயணம் பற்றிய விபரங்கள், இப்போது பாலிவுட் மற்றும் அரசியல் வட்டாரங்களில் மெல்ல கசிந்து, பெரும் பரபரப்பைக் கிளப்பி வருகிறது. இந்த "செம்ம கவனிப்பு" விவகாரம் தான் இப்போது ஒட்டுமொத்த மும்பை திரையுலகின் ஹாட் டாபிக்.