இதுக்கு மேல வேண்டாம்.. மனைவி போட்ட ஆர்டர்.. நடிகையை நைஸாக கழட்டி விட்டாரா இளம் மாஸ் ஹீரோ?

பிரியமான நடிகை

பக்கத்து தேசத்தில் இருந்து அந்த பிரியமான நடிகையை இளம் மாஸ் ஹீரோவுக்கு ஜோடியாக மாற்ற அழைத்து வந்தனர். நடித்தால் டாப் ஹீரோயின்களுடன் தான் நடிப்பேன் என ஃபிளாப் படங்களை கொடுத்து வந்த அந்த இளம் மாஸ் நடிகருக்கு பிரியமான நடிகை காலடி எடுத்து வைத்தவுடன் அடுத்தடுத்து வெற்றிகளாக குவிந்து வருகின்றன.

லக்கி சார்ம்

அந்த நடிகையுடன் இணைந்து நடித்த முதல் படமே ஹிட் அடித்த நிலையில், அடுத்த படத்திலும் அதே ஹீரோயினை புக் பண்ணி விட்டார் இளம் மாஸ் நடிகர். நடிகையும் ஷூட்டிங் மற்றும் நிகழ்ச்சிகள் என பல இடங்களில் நடிகருடன் ரொம்பவே நெருக்கம் காட்ட ஆரம்பித்து விட்டாராம். இந்த தகவல்களை கூடவே இருக்கும் சிலர் நடிகரின் மனைவியின் காதுகளில் போட பிரச்சனை கிளம்பி விட்டதாம்.

பரவும் கிசுகிசு

மேலும், நடிகருடன் தனியாக பல பார்ட்டிகளுக்கும் நடிகை சென்று வருகிறார் என்றும் ஏகப்பட்ட கிசுகிசுக்கள் கிளம்பிய நிலையில், அனைத்தையும் கவனித்த நடிகரின் மனைவி, இப்படியெல்லாம் தேவையில்லாத பஞ்சாயத்தில் தனது கணவர் சிக்கிக் கொள்ளக் கூடாது என்பதற்காக அதிரடியாக ஒரு முடிவை எடுத்துள்ளாராம்.

மனைவியின் ஆர்டர்

இந்நிலையில், இனிமேல் அந்த நடிகையுடன் ஜோடி போட்டு நடிக்க வேண்டாம் என்றும், நடிகையை எந்த விழாவுக்கும் அழைக்க வேண்டாம் என்றும் மனைவி அதிரடியாக போட்ட ஆர்டரை நடிகர் பின் பற்றி வருவதாக தகவல்கள் கசிந்துள்ளன. ஏற்கனவே அந்த விருது நடிகை உடன் தொடர்ந்து நடித்த படங்கள் ஹிட்டான போதும் இதே வேலையை தான் அவரது மனைவி பார்த்தார் என்றும் கூறப்படுகிறது.

முக்கியத்துவம் இல்லை

இப்படியொரு பேச்சு போய்க் கொண்டிருக்க இன்னொரு புறம் படத்துக்கு முந்தைய விழாவில் ஹீரோயினுக்கு முக்கியத்துவம் கொடுக்காமல் அந்த இளம் நடிகைக்கு அதிக முக்கியத்துவத்தை அந்த ஹீரோ கொடுத்தது தான் நடிகையை கோபமடைய செய்ததாகவும், அதன் காரணமாக அவராகவே பட ரிலீஸ் மற்றும் படத்தின் வெற்றி விழா உள்ளிட்டவற்றில் கலந்து கொள்ளவில்லை என்றும் கூறப்படுகிறது.