பிரபல நடிகருக்கு பிரைவேட் பார்ட்டி வைத்த மில்க் பியூட்டி.. அடுத்த படத்தில் சான்ஸ் கன்ஃபார்மாம்!

இயக்குநர்கள் சாய்ஸ் இல்லை

மேக்கப்பே போடாமல் நடித்தாலும் அத்தனை அழகாக இருக்கும் அந்த நடிகை ஏகப்பட்ட ஹிட் படங்களில் நடித்துள்ளார். ஆனால், அந்த நடிகையின் நடிப்பு மீது தொடர்ந்து எழுப்பப்பட்டு வரும் விமர்சனங்கள் காரணமாக இயக்குநர்கள் பெருமளவில் அவரை தேர்வு செய்ய யோசித்து வருவது தான் நடிகைக்கு புதிய பட வாய்ப்புகள் கிடைக்காமல் போவதற்கு காரணம் என்கின்றனர்.

ரொம்ப பந்தா

மேலும், படப்பிடிப்பு தளங்களில் மற்ற நடிகர்கள், நடிகைகளை விட கூடுதல் பாதுகாப்பு கேட்பது, செலவுகளை இழுத்து விடுவது, குடும்பத்தை கூட்டி வந்து கும்மாளம் அடிப்பது என ஏகப்பட்ட பந்தாக்களை நடிகை செய்வதாக எழும் குற்றச்சாட்டுகள் காரணமாகவே பலரும் அவரை ஒதுக்கத் தொடங்கினர் என கூறப்படுகிறது.

நடிகை அப்செட்

சில பெரிய பட வாய்ப்புகள் நடிகையை தேடி வரும் போது ஹீரோயின் சென்ட்ரிக் படங்கள் மற்றும் வெப் தொடர்களில் நடிக்கிறேன் இப்போதைக்கு கால்ஷீட் இல்லை என கிராக்கி பண்ண அத்துடன் வந்த பெரிய பட வாய்ப்பும் நடிகை கை மீறி சென்றுவிட அனைத்தையும் எண்ணி இப்போ ரொம்ப அப்செட் ஆகி உள்ளாராம் அந்த நடிகை.

வயதான நடிகர்

ஏற்கனவே நடிகை நடத்திய பேச்சுவார்த்தைகள் காரணமாக வயதான நடிகர் ஒருவருடன் ஜோடி போட்டு நடிக்க ஒப்பந்தமாகி உள்ளார். மீண்டும் தனது இடத்தை பிடிக்க வேண்டும் என்றால் தொடர்ந்து பிரம்மாண்ட படங்களில் நடித்து வரும் அந்த நடிகருடன் மீண்டும் இணைந்து நடித்தால் மட்டுமே முடியும் என முழுமையாக நம்பி அதற்கான முயற்சிகளில் ஈடுபட்டுள்ளார்.

பிரைவேட் பார்ட்டி

இந்நிலையில், அந்த நடிகரை தொலைபேசியில் தொடர்பு கொண்டு பேசிய மில்க் பியூட்டி தனது இல்லத்தில் ஒரு பார்ட்டி நடப்பதாக அந்த நடிகரை வரவழைத்து குடும்பம் சகிதமாக அடுத்த படத்திற்கான வாய்ப்பை ஓப்பனாகவே கேட்டுள்ளாராம். நடிகரும் வேறு வழியில்லாமல், கண்டிப்பா பண்ணலாம் என நடிகைக்கு உறுதியளித்துள்ளதாக தகவல்கள் கசிந்துள்ளன.