எல்லாரும் ஏமாத்திட்டாங்க.. யாருமே கஷ்டப்படுற நேரத்தில கை கொடுக்கல.. புலம்பும் பிரபல நடிகை!

உச்சத்தில் மார்க்கெட்

ஒரு காலத்தில் அந்த நடிகையின் கால்ஷீட் கிடைக்காதா என பல தயாரிப்பாளர்களும், இயக்குநர்களும், முன்னணி நடிகர்களும் க்யூவில் வரிசையாக இருந்து வந்தனர். நடிகையின் நடனத்தை பார்க்கவே அப்படியொரு கூட்டம் அலைமோதும். ஆனால், அந்த நடிகருடன் ஏற்பட்ட பழக்கத்தின் காரணமாக அப்படியொரு கதாபாத்திரத்தில் நடிக்க ஒப்புக் கொண்டது தான் நடிகை பண்ண பெரிய தப்பு என அவரே தற்போது யோசித்து வருகிறார்.

அதிகரித்த உடல் எடை

நடிகர்கள் அளவுக்கு நீங்களும் ரிஸ்க் எடுத்து நடிங்க, வேறலெவலில் விருதுகள் குவியும் என அந்த நடிகர் உசுப்பேத்தி விட்ட நிலையில், ஓவராக உடல் எடை அதிகரித்ததன் விளைவு தான் இன்னமும் அதில் இருந்து அந்த நடிகையால் வெளியே வரவே முடியாமல் தவித்து வருகிறாராம். மேலும், ஹீரோவும் அப்படியொரு தோற்றத்தை பார்த்த பின்னர் நடிகையை நைசாக கழட்டி விட்டு எஸ்கேப் ஆகி விட்டார்.

வீண் செலவு

பிரம்மாண்ட இயக்குநர் படத்தில் நடிக்கும் போது நடிகையை கமிட் பண்ணி விட்டோமே என்பதற்காக அதிக பொருட் செலவு செய்து நடிகையை ஸ்லிம்மாக அழகாக காட்டியிருந்தார். ஆனால், அதற்காக பல கோடி செலவு ஆன நிலையில், இதற்கு மேல் இந்த நடிகை நமக்கு வேண்டாம், பாலிவுட்டில் சிக்கென இருக்கும் முன்னணி நடிகையை வைத்து படம் பண்ணலாம் என அவரும் நகர்ந்து விட்டார்.

தொடர் தோல்வி

நெருங்கிய நண்பர்களாக இருந்த ஹீரோக்கள் பலரும் ஸாரி சொல்லி ஒதுங்கி செல்ல, ஹீரோயின் சென்ட்ரிக் படங்களிலாவது நடித்து தனது மார்க்கெட்டை பிடிக்கலாம் என நினைத்த நடிகைக்கு அதுவும் சரியான அளவில் கைகொடுக்காத நிலையில், தொடர் தோல்வியை சந்தித்தார். அதன் காரணமாக தயாரிப்பாளர்கள் பெரிய கும்பிடு போட்டு ஓடிவிட்டனர்.

புலம்பும் நடிகை

மீண்டும் எப்படியாவது தனது இடத்தை பிடித்தாக வேண்டும் என்கிற முனைப்புடன் உடல் எடையை குறைக்கும் முயற்சியில் ஈடுபட்டு வரும் நடிகை சமூக வலைதளங்களில் சமீப காலமாக தனது புதிய புகைப்படங்களை பதிவிட்டு புலம்பி வருகிறார். கூடிய சீக்கிரமே நடிகை கம்பேக் கொடுக்க வேண்டும் என அவரது ரசிகர்கள் ரொம்ப ஆர்வமாக காத்திருக்கின்றனர்.