நடிப்பே வராத நடிகை.. தலையை பிய்த்துக் கொள்ளும் இயக்குநர்.. ஆளையே மாத்த முடிவாம்?

போட்டோஷூட் பீஸ்

போட்டோஷூட்டில் செம அழகாகவும் கவர்ச்சியாகவும் பலரையும் கவர்ந்திழுக்கும் அந்த மலையாள தேசத்து நடிகைக்கு கொஞ்சம் கூட நடிக்க வரவில்லை என்கிற பேச்சு ஒட்டுமொத்த சினிமா உலகிலும் அடிபட்டு வருகின்றன. வெறும் பிகினி போட்டோஷூட்டுக்கு மட்டும் தான் இவர் லாயக்கு என்றும் கிளாமர் ரோல்களை தாண்டி கதைக்கு முக்கியத்துவம் வாய்ந்த கதாபாத்திரங்களை எல்லாம் கொஞ்சமும் தாங்க மாட்டார் என பலரும் சொல்லியும் கேட்காமல் அந்த நடிகையை பிரபல இயக்குநர் சமீபத்தில் புக் செய்தார்.

இன்னொரு நடிகை அசத்தல்

அதே படத்தில் இன்னொரு பிரபல நடிகையும் நடித்து வரும் நிலையில், சிங்கிள் டேக்கில் அனைத்து காட்சிகளையும் நடித்து அசத்தி வருகிறாராம். இயக்குநரையே அவரது நடிப்பால் பல இடங்களில் பிரம்மிக்க வைத்துள்ளார். ஆனால், அதே நேரம் ஒட்டுமொத்த ஷூட்டிங்கும் இன்னொரு நடிகையால் ஸ்பீடு பிரேக்கரில் ஏறும் லாரி போல ரொம்பவே ஸ்லோவாகி வருவதால் இயக்குநர் டென்ஷன் ஆகி உள்ளார்.

நடிப்பே வரல

நான்கு முதல் ஐந்து டேக்குகள் ஒவ்வொரு ஷாட்டுக்கும் எடுத்துக் கொண்டாலும், இயக்குநர் எதிர்பார்க்கும் அளவுக்கு ரியல் எக்ஸ்பிரஷன் அந்த நடிகையிடம் இருந்து வரவே இல்லையாம். ஜூனியர் ஆர்ட்டிஸ்ட்டுகள் கூட ஒன்றிரண்டு டேக்குகளில் நடித்து முடிக்கும் நிலையில், ஹீரோயினாக போட்டுள்ள நடிகையிடம் இருந்து எக்ஸ்பிரஷன்ஸ் வராதது இயக்குநரை ரொம்பவே அப்செட் ஆக்கி உள்ளது என்கின்றனர்.

அதிரடி மாற்றம்

ஏற்கனவே அந்த நடிகை நடித்த எந்தவொரு தமிழ் படத்திலும் அவர் பாராட்டும் அளவுக்கு சிறப்பாக ஒரு காட்சியில் கூட நடித்திருக்க மாட்டார். பதிலுக்கு அவர் வசனம் பேசிய காட்சிகள் ட்ரோல் மெட்டீரியல் ஆனது தான் மிச்சம். இந்நிலையில், படத்தில் இருந்து அந்த நடிகையை தூக்கிவிட்டு வேறு ஒரு நடிகையை போடலாம் என்கிற முடிவுக்கே வந்திருக்கிறாராம் அந்த இயக்குநர் என்கிற அதிர்ச்சி தகவல்கள் கசிந்துள்ளன.

நடிப்பு பயிற்சி

எப்படியாவது இந்த ஃபீல்டில் சாதிக்க வேண்டும் என்கிற முனைப்புடன் களமிறங்கி உள்ள அந்த ஹீரோயின் நன்றாக நடிக்க வேண்டும் என்பதற்காக தனியாக நடிப்பு பயிற்சி எல்லாம் மறைமுகமாக எடுத்து வருவதாகவும் பேச்சுக்கள் கோடம்பாக்கத்தில் புகைந்து வருகின்றன.