பவர் நடிகருக்கே உத்தரவு போடும் தோழி நடிகை.. வீக் எண்ட் ஆனால் ஆஜர் ஆகிடனுமாம்!

சென்னை தென்னிந்திய சினிமா உலகில் எத்தனையோ கிசுகிசுக்கள் தினந்தோறும் வலம் வந்தாலும், சமீபகாலமாக கோலிவுட் வட்டாரத்தின் ஒட்டுமொத்த கவனத்தையும் ஈர்த்திருப்பது அந்த 'பவர்'ஃபுல்லான வாரிசு நடிகரின் விவகாரம் தான். திரையில் அவர் அடிக்கும் ஒவ்வொரு அடிக்கும் தியேட்டரே அதிரும், அவர் காட்டும் மாஸுக்கும் பவருக்கும் பாக்ஸ் ஆபீஸே மிரளும். ஆனால், நிஜ வாழ்க்கையிலோ அவர் அந்த 'தோழி' நடிகையின் விரலசைவிற்கு ஏற்ப ஆடிக்கொண்டிருக்கிறார் என்று சினிமா வட்டாரங்கள் ரகசியமாகப் பேசி சிரிக்கின்றன.

ஆரம்பத்தில் அந்த நடிகருடன் ஒரு திரைப்படத்தில் இணைந்து நடித்தபோதுதான் இருவருக்கும் இடையே நட்பு மலர்ந்தது. படப்பிடிப்பு தளத்தில் சாதாரண தோழியாக அறிமுகமான அந்த நடிகை, மிகக் குறுகிய காலத்திலேயே நடிகரின் பர்சனல் பக்கங்களுக்குள் நுழைந்துவிட்டார். ஆரம்பத்தில் நடிகரின் சினிமா கேரியர் மற்றும் உடற்பயிற்சி விஷயங்களில் சின்னச் சின்ன அட்வைஸ் கொடுக்கும் நலம் விரும்பியாகத்தான் இருந்தாராம். ஆனால், போகப்போக அதுவே அதிகாரமாக மாறி, இப்போது நடிகரின் ஒட்டுமொத்த நிர்வாகத்தையும் அவரே கையில் எடுத்துக்கொண்டதாகக் கூறப்படுகிறது.

நடிகரின் கால்ஷீட் முதல், அவர் எந்தப் படத்தில் நடிக்க வேண்டும், எந்தப் படத்தைத் தவிர்க்க வேண்டும் என்பது வரை அனைத்தையும் இப்போது இந்தத் தோழி நடிகைதான் தீர்மானிக்கிறாராம். தயாரிப்பாளர்கள் யாராவது நடிகரை அணுக நினைத்தால் கூட, முதலில் இந்தத் தோழியின் 'கிரீன் சிக்னல்' கிடைத்தால் மட்டுமே நடிகரைச் சந்திக்க முடியும் என்ற நிலை உருவாகியுள்ளது.

வீக் எண்ட் அட்டனஸ்: இதற்கெல்லாம் உச்சக்கட்டமாக, சமீபகாலமாக அந்த நடிகை போட்டுள்ள புது கண்டிஷன் தான் கோலிவுட்டில் ஹாட் டாப்பிக். "வாரம் முழுக்க நீங்கள் எந்த ஊரில் வேண்டுமானாலும், எந்த நாட்டுக்கு வேண்டுமானாலும் ஷூட்டிங் போய்க்கொள்ளுங்கள். அதைப்பற்றி எனக்குக் கவலையில்லை. ஆனால், வீக் எண்ட் (Weekend) வந்துவிட்டால் அத்தனை வேலைகளையும் மூட்டை கட்டி வைத்துவிட்டு என்னுடன் தான் இருக்க வேண்டும். சனிக்கிழமை காலைக்குள் சென்னைக்கு ஆஜர் ஆகிவிட வேண்டும்" என்று கறாரான பாச உத்தரவு போட்டுள்ளாராம்.

அன்புக் கட்டளை: திரையுலகில் எவ்வளவு பெரிய ஆளுமையாக இருந்தாலும், இந்தத் தோழி நடிகையின் அன்புக் கட்டளைக்கு முன்னால் பவர் நடிகர் அப்படியே சரணடைந்து விடுகிறாராம். வார இறுதி நாட்கள் நெருங்கிவிட்டாலே, அவுட்டோர் ஷூட்டிங்கில் இருக்கும் தயாரிப்பாளர்களுக்கு படபடப்பு தொற்றிக்கொள்கிறது. எப்படியாவது வெள்ளிக்கிழமை இரவுக்குள் நடிகரின் காட்சிகளை எடுத்து முடித்து அவரை சென்னைக்கு அனுப்பி வைக்கப் போராடுகிறார்கள். "என்னப்பா இது... திரையில் பவர் காட்டும் மாஸ் நடிகருக்கே இந்த நிலையா? வீக் எண்ட் லீவுக்காக ஸ்கூல் பையன் மாதிரி சென்னைக்கு ஓடுறாரே!" என்று தயாரிப்பாளர்களும், நடிகரின் நெருங்கிய விசுவாசிகளும் ரகசியமாகத் தாடி சொறிந்து புலம்பி வருகின்றனர்.