சொகுசு ஹோட்டலே கதியென கிடக்கும் தயாரிப்பாளர்.. இளம் நடிகைகள் தான் டார்கெட்டாம்.. கிளம்பிய பூகம்பம்!

சர்ச்சை பேச்சு

சினிமா படங்களை எடுத்து தயாரிப்பாளராக பலர் வலம் வரும் நிலையில், ஒரு சில படங்களை மட்டுமே எடுத்து விட்டு வெறும் சர்ச்சையாக சினிமா விழாக்களில் மட்டுமே பேசி தயாரிப்பாளர் என தன்னைத் தானே சொல்லிக் கொள்ளும் அந்த தயாரிப்பாளர் சினிமா விழாக்களில் கலந்து கொள்வதற்கு கூட காசு வாங்கி வருகிறாராம்.

நெகட்டிவ் பப்ளிசிட்டி

அந்த தயாரிப்பாளர் வந்து ஏதாவது பேசினாலோ, யாரையாவது திட்டினாலோ நெகட்டிவ் பப்ளிசிட்டியாவது தங்கள் படங்களுக்கு கிடைக்கிறதே என பல உப்மா கம்பெனி நிறுவனங்கள் அந்த தயாரிப்பாளரை சில ஆயிரம் ரூபாய் கொடுத்து பேச அழைத்து வருவதாக பேச்சுக்கள் அடிபட்டு வருகின்றன.

நடிகருடன் மோதல்

சமீபத்தில் அந்த நடிகருடன் நிகழ்ச்சி மேடையிலேயே அப்படியொரு மோதல் நடத்த காரணமே அந்த தயாரிப்பாளர் பற்றிய விஷயங்களையும் அவர் கசியவிட்டது தான் என்கின்றனர். இருவருக்கும் அடிக்கடி முட்டிக் கொள்வதால் அந்த தயாரிப்பாளர் பற்றிய பல லீலைகளை அம்பலப்படுத்தும் நோக்கில் அந்த பிரபலமும் களம் இறங்கி உள்ளாராம்.

ஹோட்டலே கதி

சொந்த வீட்டையும் குடும்பத்தையும் விட்டு விட்டு பல நாட்களாக ஹோட்டலே கதியென இந்த வயதிலும் அந்த தயாரிப்பாளர் இருந்து வருகிறார் என பேச்சுக்கள் கோடம்பாக்கம் முழுவதும் பரவி வருகிறது. வீட்டில் நிம்மதியில்லாமல் ஹோட்டலில் தங்குகிறேன் என்று சொல்வதெல்லாம் வெறும் வெற்றுப் பேச்சு என்றும் அங்கே நடக்கும் விவகாரமே வேற என பெரிய பூகம்பமே கிளம்பி உள்ளது.

இளம் நடிகைகள் தான் டார்கெட்

சினிமா வாய்ப்புத் தேடி அலையும் பெண்கள் மற்றும் அறிமுக நடிகைகளுக்கு தான் ஒரு பெரிய தயாரிப்பாளர் என்றும் பல பெரிய இயக்குநர்களையும் நடிகர்களையும் தெரியும் என்று சொல்லியே பலருடன் உல்லாசமாக இருந்து வருகிறாராம். அதற்குத்தான் ஹோட்டலில் தனியாக வசித்து வருகிறார் என பேச்சுக்கள் அடிபட்டு வருகின்றன.

எச்சரிக்கை

இளம் நடிகைகள் மற்றும் சினிமா கனவை நோக்கி வரும் பெண்கள் அந்த தயாரிப்பாளரிடம் இருந்து கொஞ்சம் உஷாரா இருங்க என அந்த நடிகர் மறைமுகமாக எச்சரிக்கை கொடுத்து வருவதால் தான் இருவருக்கும் பகிரங்கமாக முட்டிக் கொண்டது என்றும் கூறுகின்றனர். இதில், எது உண்மை என்பது தெரியவில்லையே, அவர் அப்படிப்பட்டவரா? என கோடம்பாக்கத்தினரே ஷாக் ஆகி உள்ளார்களாம்.