Click it and Unblock the Notifications
சோனாக்ஷியைப் பிடித்தார் பிரபுதேவா!
நயன்தாராவும் அவரும் பிரிந்த பிறகு, இந்த நடிகையுடன் காதல், அந்த நடிகையுடன் நெருக்கம் என செய்திகள் வருகின்றன.
ஹன்ஸிகாவைத்தான் பிரபு தேவா காதலிப்பதாக கிசுகிசு பரவியது. அதனை மறுத்த ஹன்ஸிகா, கரகாட்டாக்காரன் கோவை சரளா பாணியில், பிரபு தேவா என் அண்ணன் மாதிரி என்று ஒரு போடு போட்டார்.
அடுத்து சமீபத்தில் பிரபு தேவாவுடன் நள்ளிரவுப் பார்ட்டியில் பங்கேற்று நெருக்கமாக நடனம் ஆடி பத்திரிகைப் பக்கங்களைச் சூடேற்றியிருந்தார் த்ரிஷா.
அந்த சூடு குறையும் முன் இப்போது பிரபு தேவாவுடன் கிசுகிசுக்கப்படுபவர் மும்பை அழகுப் புயல் சோனாக்ஷி சின்ஹா. பிரபல நடிகர் சத்ருகன் சின்ஹா மகள் இவர்.
பிரபு தேவா இயக்கியுள்ள ரவுடி ரதோர் படத்தில் நாயகியாக நடித்துள்ளார்.
பிரபுதேவாவும், நயன்தாராவும் காதலை முறித்துக் கொண்டு பிரிந்துள்ளனர். நயன்தாரா மீண்டும் சினிமாவில் நடிக்க தொடங்கியுள்ளார். தமிழ், தெலுங்கு படங்களுக்கு ஒப்பந்தமாகி ஐதராபாத்துக்கும் கோடம்பாக்கத்துக்குமாய் போய் வந்து கொண்டு இருக்கிறார்.
பெங்களூர் ஸ்டேடியத்தில் சென்னை சூப்பர் கிங்க்ஸ் - ராயல் சேலஞ்சர்ஸ் பெங்களூர் அணிகள் மோதிய கிரிக்கெட் போட்டியை காண பிரபுதேவாவும் சோனாக்ஷியும் ஜோடியாக வந்தனர்.
இது ரசிகர்கள் மத்தியில் பரபரப்பை ஏற்படுத்தியது. எல்லோரது கண்களும் அவர்களையே மொய்த்தன. எதிர்பாராதவிதமாக மழை பெய்து போட்டியை நடக்க விடாமல் செய்தது. இதனால் இருவரும் அங்கிருந்து புறப்பட்டுச் சென்றனர். மும்பை திரையுலகில் இவர்களின் நெருக்கம் பற்றி கிசுகிசு பரவியுள்ளது.
மும்பை நட்சத்திர ஓட்டல்களில் கிரிக்கெட் வீரர்களுக்கு அளிக்கப்பட்ட விருந்து நிகழ்ச்சிகளிலும் பிரபுதேவா - சோனாக்ஷி ஜோடியாகப் பங்கேற்று, மீடியாவுக்கு ஏக சென்சேஷனல் செய்திகளைத் தந்து வருகிறார்கள்.
இது எங்கே போய் முடியப் போகிறதோ...
Continue with Google