காத்திருந்த விருது இயக்குநருக்கு கல்தா கொடுத்த உச்ச நட்சத்திரம்.. எல்லாத்துக்கும் காரணம் அவர் தானா?

பெயரிலியே ஹிட்

விருது இயக்குநர் இதுவரை இயக்கிய எந்தவொரு படமும் சொதப்பவே இல்லை. மாறாக ஏகப்பட்ட உயரிய விருதுகளை படத்துக்கு படம் அள்ளி தான் ஒரு தலை சிறந்த இயக்குநர் என்பதை நிரூபித்து வருகிறார். ஆனால், அவருடைய போதாத காலம் அவரை மதித்து அவர் இயக்கத்தில் நடிக்க எந்தவொரு முன்னணி ஹீரோ என்று சொல்லிக் கொள்ளும் பாக்ஸ் ஆபிஸ் பகவான்கள் யாருமே அவருக்கு கால்ஷீட் கொடுப்பதில்லை என்பது தான்.

காப்பி அடிப்பவர்களுக்கு வாய்ப்பு

சொந்தமாக சீன் வைக்கத் தெரியாமல் சிறந்த படத்தை கொடுக்க தெரியாமல் பழைய படங்களை புது கலருடன் காப்பி அடித்துக் கொடுக்கும் இயக்குநர்களையே நம்பி முன்னணி நடிகர்கள் ஓடுவது அவரை ரொம்பவே மனதளவில் பாதித்துள்ளது. ஒரு படத்தை ஹிட் கொடுத்தாலே இளம் இயக்குநர்களுக்கு அடுத்தடுத்து உச்ச நட்சத்திரத்தின் படம் வரை கிடைக்கிறது. ஆனால், நாம் தரமான படத்தை கொடுத்து வெற்றி பெற்றாலும், நம்மை யாரும் சீண்ட மாட்டேங்கிறாங்களே என வேதனைப்பட்டு வருகிறார்.

கைவிட்ட உச்சநட்சத்திரம்

மருமகன் நடிகருக்கு தொடர்ந்து ஹிட் கொடுத்து வரும் அந்த இயக்குநருடன் இணைந்து நாமும் ஒரு படம் பண்ணலாம் என உச்ச நடிகர் உறுதி அளித்ததும், அவருக்காக பக்காவான திரைக்கதையை தயார் செய்துள்ளார் அந்த விருது இயக்குநர். ஆனால், தற்போது, இனிமேல் என்னால் உன் படத்தில் நடிக்க முடியாதுப்பா, வேற யாரையாவது பார்த்துக்கோ என கைவிட்டு விட்டாராம்.

அவர் தான் காரணமா

இந்த இயக்குநரை அறிமுகப்படுத்தியவரே அந்த ஒல்லி நடிகர் தான் என்பதால் மட்டுமின்றி படத்தில் அவரும் ஒரு முக்கிய கதாபாத்திரத்தில் நடிக்க உள்ள நிலையில் தான் தற்போது அந்த படமே வேண்டாம் என உச்ச நட்சத்திரம் ஒதுங்கியதாக பரபரப்பு தகவல்கள் வெளியாகி உள்ளன. உச்ச நட்சத்திரம் வேண்டாம் என சொல்லியதும் உடைந்தே போய்விட்டாராம் அந்த விருது இயக்குநர்.

மாஸ் ஹீரோ

பாலிவுட் நடிகரும் இவரை கை கழுவிட்டு அந்த காப்பி இயக்குநருடன் படம் பண்ணி வரும் நிலையில், எப்படியாவது அந்த மாஸ் ஹீரோவுடன் ஒரு படமாவது பண்ணி விட வேண்டும் என முயற்சி செய்து வரும் நிலையில், இங்கேயும் அதற்கு முட்டுக்கட்டையாக மாறி உள்ளாராம் அந்த காப்பி இயக்குநர். பிரைட் நடிகர் காலம் தாழ்த்தாமல் சீக்கிரமே படத்தை ஆரம்பித்தால் தான் விருது இயக்குநருக்கு போன மூச்சே திரும்ப வரும் என்கின்றனர்.