உச்ச நடிகர் இடத்துக்கு பக்காவாக பிளான் போடும் வம்பு நடிகர்.. அந்த கேப் தான் காரணமா?

மாஸ் நடிகருக்கு போட்டியாக

ஏற்கனவே உச்ச நடிகரின் டைட்டிலுக்கு மாஸ் நடிகர் வெகு காலமாக போட்டிப் போட்டு வரும் நிலையில், அவருக்கே போட்டியாக அதிரடியாக களமிறங்கி விட்டார் வம்பு நடிகர் என கோடம்பாக்கமே அலறும் அளவுக்கு அவரது அடுத்த அடுத்த செயல்கள் அரங்கேறி வருகின்றன.

உச்ச நடிகர் இடம் தான் குறி

எப்படியாவது முன்னணி நடிகராக மாற வேண்டும் என சிறு வயது முதலே போராடி வரும் அந்த நடிகர் பல வருடங்களாக முயற்சி செய்தும் முடியாமல் போன நிலையில், சமீப காலமாக அந்த இடத்தை பிடித்து விட தீவிர முயற்சியில் இறங்கி உள்ளதாக பெரும் புயலே கோலிவுட்டில் வீசி வருகிறது.

எல்லாமே பிரம்மாண்டம்

தனது படங்களை வெளியிடுவதற்கு முன்னதாக நடத்தப்படும் நிகழ்ச்சியில் தொடங்கி இனிமேல் தான் நடிக்கப் போகும் படங்கள் வரை அனைத்திலும் பிரம்மாண்டம் இருக்க வேண்டும் என்றும் ஹை பட்ஜெட் நடிகராக தான் உடனடியாக மாற வேண்டும் என்பதில் ரொம்பவே குறியாக இருக்கிறாராம் அந்த நடிகர். என்ன வேணா செய்ய ரெடி, என்னால் எல்லாமே செய்ய முடியும், அப்புறம் நான் ஏன் அந்த இடத்துக்கு ஆசைப்படக் கூடாது என நினைக்கும் நடிகரின் லட்சியத்தில் எந்தவொரு தவறும் இல்லை என்றே இண்டஸ்ட்ரியில் சிலர் பேச ஆரம்பித்துள்ளனர்.

உச்ச நடிகர் நோ சொன்னா

உச்ச நடிகர் ஒரு விஷயத்துக்கு நோ சொன்னா உடனடியாக அந்த விஷயத்தில் தலையிட்டு நான் வரேன், நான் பண்றேன் என வான்டட்டாக ஆஜர் ஆகி ஸ்கோர் செய்து வருகிறார் வம்பு நடிகர் என்றும் பெரிய நடிகருக்கு கிடைக்க வேண்டிய பெயரும் புகழும் அங்கே சென்றால், அந்த படைப்பில் கலந்து கொண்டால் தனக்கு கிடைக்கும் என்பதை பக்காவாக புரிந்து கொண்டு ஸ்கெட்ச் போட்டு தூக்குகிறார் எனக் கூறுகின்றனர்.

மாஸ் நடிகர் அப்செட்

திடீரென இன்னொரு கொடுக்கு ஒன்று நமக்கு எதிராக முளைக்கிறதே என உச்ச நடிகரை விட மாஸ் நடிகருக்குத் தான் தற்போது வம்பு நடிகரின் அதிரடி செயல்கள் அப்செட் ஆக்கி வருவதாகவும் கூறுகின்றனர். கூடிய விரைவிலேயே தனது ரேஞ்சை உயர்த்த என்னவெல்லாம் செய்ய முடியுமோ அதையெல்லாம் ஒவ்வொன்றாக செய்து அதிரடி காட்ட வம்பு நடிகர் வகுத்துள்ள பிளான்கள் பற்றி அறிந்த நிலையில் தான் மாஸ் நடிகர் கூடுதலாக டென்ஷன் ஆகி உள்ளார் என்றும் கூறுகின்றனர்.

ஒல்லி நடிகருக்கும் கவலை

உச்ச நடிகர் போல தானும் மாற வேண்டும் என நினைத்து அவரது மகளையே திருமணம் செய்து கொண்ட அந்த ஒல்லி நடிகர் விவாகரத்து செய்து ஒதுங்கிய நிலையில், அந்த கேப்பை பிடித்துக் கொண்டு தான் தற்போது வம்பு நடிகர் தனக்கே பெரிய வம்பாக மாறி நிற்கிறார் என்கிற கவலையில் ஒல்லி நடிகரும் வாடி வருவதாக பேச்சுக்கள் அடிபட்டு வருகின்றன.