Click it and Unblock the Notifications
தயாரிப்பாளர் கெஞ்சியும் மசியாத நடிகை.. அதை மட்டும் அட்ஜெஸ்ட் செய்ய மாட்டேன் என கறார்
சென்னை: தமிழ் சினிமாவில் 'பட்ஜெட்' என்ற வார்த்தையை கேட்டாலே தயாரிப்பாளர்களுக்கு காய்ச்சல் வந்துவிடுகிறது. அதிலும் முன்னணி நடிகர்களின் சம்பளம் ஒரு பக்கம் எகிறிக்கொண்டிருக்க, தற்போது அந்தப் முன்னணி 'டாப்' நடிகையும் தன் பங்கிற்கு தயாரிப்பாளரை திணறடித்து வருவதாகத் தகவல்கள் வெளியாகியுள்ளன.
தற்போது ஒரு பிரம்மாண்ட படத்தில் ஒப்பந்தமாகியுள்ள அந்த நடிகை, ஆரம்பத்தில் ஒரு தொகையைப் பேசித்தான் கமிட் ஆனாராம். ஆனால், இடையில் படத்தின் பட்ஜெட் சில காரணங்களால் எகிறிவிட, தயாரிப்பு தரப்பு நடிகையிடம் ஒரு வேண்டுகோள் வைத்ததாம்."மேடம், படத்தோட பிசினஸ் கொஞ்சம் சுணக்கமா இருக்கு, அதனால உங்க சம்பளத்துல ஒரு 10 சதவீதத்தை மட்டும் விட்டுக்கொடுங்க, அடுத்த படத்துல சரி பண்ணிக்கலாம்" என அந்தப் பெரிய தயாரிப்பு நிறுவனம் கெஞ்சிக் கேட்டுள்ளது. ஆனால், அதற்கு அந்த நடிகை சொன்ன பதில் தான் அந்த நிறுவனத்தையே அதிர வைத்திருக்கிறது.
ஒரு பைசா குறையாது: தயாரிப்பாளர் எவ்வளவு கெஞ்சியும், அந்த நடிகை ஒரு இன்ச் கூட இறங்கி வரவில்லையாம். "ஷூட்டிங் ஸ்பாட்டில் ஏற்பாடுகள் கொஞ்சம் முன்ன பின்ன இருந்தால் கூட நான் அட்ஜஸ்ட் பண்றேன், ஆனா சம்பளத்துல மட்டும் ஒரு பைசா கூட குறைக்க முடியாது. என் மார்க்கெட் வேல்யூ என்னன்னு எனக்குத் தெரியும், பிடிக்கலைன்னா வேற ஆளைப் பாத்துக்கோங்க" என கறாராகச் சொல்லிவிட்டாராம். அந்த நடிகை ஏற்கனவே கைவசம் இரண்டு மூன்று ஹிட் படங்களை வைத்திருப்பதால், அவருக்கு இருக்கும் டிமாண்டைப் பார்த்து தயாரிப்பாளரும் வேறு வழியில்லாமல் மௌனமாகிவிட்டாராம்.
பிடிவாதம்: இதுமட்டுமல்லாமல், கேரவன் செலவு, உதவியாளர்களின் பேட்டா என அனைத்தையும் தயாரிப்பு தரப்புதான் கவனித்துக்கொள்ள வேண்டும் என்பதில் அந்த நடிகை மிகவும் பிடிவாதமாக இருக்கிறாராம். "சினிமாவுல பாசமெல்லாம் செட் ஆகாது, பிசினஸ் மட்டும்தான் முக்கியம்" என அந்த நடிகை காட்டும் இந்தத் துணிச்சல், கோலிவுட் வட்டாரத்தில் பெரிய விவாதத்தையே கிளப்பியுள்ளது.
ரசிகர்கள் கருத்து: "நடிகர்கள் மற்றும் நடிகைகள் சம்பளத்தைக் குறைத்தால் தான் சினிமா பிழைக்கும்" என ஒரு தரப்பு புலம்பினாலும், "திறமைக்கு ஏற்ற ஊதியத்தைக் கேட்பதில் என்ன தவறு?" என நடிகையின் ரசிகர்கள் ஆதரவு தெரிவித்து வருகின்றனர்.
Continue with Google