அந்த தோல்வி படம் கொடுத்த பயம்.. மாஸ் வாரிசு நடிகர் செய்யும் அரசியல்.. தயாரிப்பாளருடன் பனிப்போர்!

சென்னை: பிரபல வாரிசு நடிகர், தன் கேரியரை மீண்டும் டிராக்கிற்கு கொண்டு வரும் முயற்சியில் இருக்கிறார். அவரை கமிட் செய்த தயாரிப்பு நிறுவனம், திறமையான மாஸ் இயக்குநரை டிக் செய்தது. ஆனால், அந்த இயக்குநரின் முந்தைய படம் சுமாராகப் போனதால், வாரிசு நடிகர் அவர் வேண்டாம், இப்போதைக்கு ட்ரெண்டிங்கில் இருக்கும் அந்த இளம் இயக்குநரைத்தான் கமிட் செய்ய வேண்டும் என பிடிவாதமாக இருக்கிறார். இதனால் தயாரிப்பாளருக்கும் நடிகருக்கும் இடையே பனிப்போர் நடந்து வருகிறதாம்.

நம்பி மோசம் போனார்: வாரிசு நடிகர் பிரம்மாண்ட இயக்குநரை நம்பி மோசம் போயி சினிமா உலகத்திலேயே தனது பெயரை கெடுத்துக்கொண்டார். அந்த இயக்குநர் எடுக்கும் படம் நிச்சயமாக ஜெயிக்கும் என குருட்டுத்தனமாக நம்பி வாரிசு நடிகர் ஏமாந்துவிட்டார். இதனால், உலக அளவில் கொண்டாடப்பட்டு வந்த அந்த நடிகரின் படம் பாக்ஸ் ஆபீஸில் படுதோல்வியைச் சந்தித்தது. இருப்பினும், தற்போது தியேட்டர்களில் வெளியாகி இருக்கும் அவருடைய புதிய அதிரடித் திரைப்படம் ரசிகர்களிடம் நல்ல வரவேற்பைப் பெற்று, பாக்ஸ் ஆபீஸில் ஓரளவு நல்ல வசூலை அள்ளி தந்து அசுர வேட்டையாடி வருகிறதாம். இந்தத் தற்காலிக வெற்றி நடிகருக்குப் பெரிய நிம்மதியையும் தைரியத்தையும் கொடுத்துள்ளது.

இயக்குநர் தேர்வில் கறார்: முந்தைய படம் கொடுத்த பலத்த அடியால் உஷாரான அந்த வாரிசு நடிகர், இனி தன் கேரியரில் அடுத்தடுத்து வரும் படங்கள் கட்டாயம் மெகா ஹிட்டாக வேண்டும் என்பதில் மிகக் கறாராக இருக்கிறாராம். ஏற்கனவே இவருக்கு ஒரு மாபெரும் பிளாக்பஸ்டர் படம் கொடுத்த அந்த 'தாடி' மாஸ் இயக்குநருடன் அடுத்த படம் பண்ணுவதாக பேச்சுவார்த்தை நடந்து, அட்வான்ஸ் கொடுக்கப்பட்டதாம். ஆனால், அந்த இயக்குநரின் முந்தைய பிரம்மாண்ட 'பார்ட் 2' படம் வசூல் செய்திருந்தாலும், கதை ரீதியாக கலவையான விமர்சனங்களை சந்தித்ததால் வாரிசு நடிகர் இப்போது செம்ம அலர்ட் ஆகிவிட்டாராம். இப்போதைக்கு அந்த சீனியர் இயக்குநர் வேண்டாம்... பான்-இந்தியா லெவலில் செம ட்ரெண்டிங்கில் இருக்கும் இளம் இயக்குநர் அல்லது பான்-இந்தியா மிரட்டல் இயக்குநர் போன்ற அதிரடி இளம் இயக்குநர்கள் யாரையாவது கமிட் செய்யலாம் என்று தயாரிப்பு நிறுவனத்திடம் கறாராகக் பேசி இருக்கிறார்.

தயாரிப்பாளருடன் பனிப்போர்: ஆனால், தயாரிப்பு தரப்போ, அந்த சீனியர் இயக்குநர் உங்களை வச்சு ஏற்கனவே ஒரு இண்டஸ்ட்ரி ஹிட் கொடுத்தவர், அவர் மேல் எங்களுக்கு நம்பிக்கை இருக்கு, என பிடிவாதமாக இருக்கிறார்களாம். இதனால், தற்போது வெளியாகி இருக்கும் படத்தின் கொண்டாட்டங்களுக்கு நடுவே, அடுத்த படத்தின் இயக்குநர் யார் என்கிற சஸ்பென்ஸ் நீடிப்பதோடு, நடிகருக்கும் தயாரிப்பாளருக்கும் இடையே லேசான பனிப்போர் ஓடிக்கொண்டிருப்பதாக டோலிவுட் மீடியாக்கள் கிசுகிசுக்கின்றன.