ஏற்கனவே பட்டது பத்தாதா, லீடரின் அரசியல் பஞ்ச் டயலாக்கை நீக்கிய தயாரிப்பாளர்

சென்னை: லீடர் படத்தில் அரசியல் பஞ்ச் வசனங்கள் பேசி வந்த பிரச்சனையை அடுத்து தளபதி நடிக்கும் மாவட்ட படத்தில் வரும் அரசியல் பஞ்ச் வசனங்களை தயாரிப்பாளர் நீக்கிவிட்டாராம்.

தளபதி நடிகர் லீடர் படத்தில் ஒரு சில அரசியல் பஞ்ச் வசனங்களை பேசியதற்கே படம் அறிவித்தபடி ரிலீஸாக முடியாமல் போனது. இதையடுத்து அரசிடம் மன்றாடி படத்தை ரிலீஸ் செய்தனர். இந்நிலையில் தளபதி தற்போது நடித்து வரும் மாவட்ட படத்திலும் அரசியல் பஞ்ச் வசனங்களை வைத்திருந்தனர்.

லீடர் பிரச்சனையைப் பார்த்து அதிர்ந்த மாவட்ட பட தயாரிப்பாளர் தனது படத்தில் இருந்து அரசியல் பஞ்ச் வசனங்களை நீக்கிவிட்டாராம். மேலும் ஏற்கனவே படமாக்கப்பட்ட அரசியல் பஞ்ச் வசன காட்சிகளையும் தூக்கி கடாசிவிட்டாராம்.

நான் தயாரிக்கும் படத்தில் அரசியல் பஞ்ச்சோ, அல்லது யாரையாவது தாக்கியோ எந்த வசனமும் இருக்கவே கூடாது என்று இயக்குனர் மற்றும் தளபதியிடம் கறாராக கூறிவிட்டாராம் தயாரிப்பாளர்.