படத்தை முடி, என்னை கட்டிக்கோ: நிஜமாகும் நடிகையின் டீல்?

சென்னை: நான்காவது காதலும் முறிந்துள்ள நடிகை ஒரு படத்தில் நடிக்கும் முன்பு தனது முன்னாள் காதலருடன் போட்ட டீல் செயல் வடிவம் பெற உள்ளது என்று கூறப்படுகிறது.

முதல் காதல் வம்பில் முடிய, இரண்டாவது காதல் டான்ஸ் ஆட, மூன்றாவது காதல் பாஸ் ஆகாமல் போக நான்காவது முறையாக காதலில் விழுந்தார் அந்த நட்சத்திர நடிகை. ஆனால் அவர் நேரமோ என்னவோ நான்காவது காதலும் முறிந்துவிட்டது. அந்த லேட்டஸ்ட் காதலருக்கு வேறு ஒருவருடன் கெமிஸ்ட்ரி ஒர்க்அவுட் ஆக நடிகை தனிமைப்படுத்தப்பட்டுள்ளார்.

முன்னதாக நடிகை பல காலம் கழித்து தனது முதல் காதலருடன் சேர்ந்து ஒரு படத்தில் நடிக்க ஒப்புக் கொண்டார். அந்த படத்தின் படப்பிடிப்பு முடிந்துவிட்டது. படம் இந்த ஆண்டு ரிலீஸாக உள்ளது.

நடிகை அந்த படத்தில் நடிக்க ஒரு கன்டிஷன் போட்டாராம். அதாவது படத்தில் நடித்து முடித்த உடன் தன்னை திருமணம் செய்து கொள்ள வேண்டும் என்று தனது முதலாவது காதலரிடம் தெரிவிக்க அவரும் வம்பு செய்யாமல் ஒப்புக் கொண்டதாக பேச்சாக கிடந்தது.

இந்நிலையில் நடிகை வம்புக்கு பெயர் போன அந்த நடிகரை தான் திருமணம் செய்துகொள்வார் என்று ஒரு கூட்டம் தற்போதே பேச ஆரம்பித்துவிட்டது.