எல்லாம் அந்த இயக்குநர் கால் வைத்த நேரம் தானாம்.. வெற்றி பட நிறுவனத்துக்கு அடுத்தடுத்த சறுக்கல்?

இங்கிலீஷ் இயக்குநர்

தயாரிப்பு நிறுவனம் தொடங்குகிறேன் என்ற பெயரில் ஏகத்துக்கும் கடன் வாங்கி திருப்பி செலுத்த முடியாமல் பல படங்களை தொடர்ந்து காவு வாங்கிய அந்த இங்கிலீஷ் இயக்குநர் அந்த புல்லட் படத்தை ரிலீஸ் செய்ய முடியாமல் நீண்ட நாட்களாக புலம்பி தவித்தார்.

சொந்தக்கார ஹீரோ

சொந்தக்கார பையனை மாஸ் ஹீரோவாக மாற்றுகிறேன் என அந்த மாஸ் ஹீரோவுக்காக உருவாக்கிய அந்த அத்யாய கதையை பட்டி டிங்கெரிங் பார்த்து அந்த தயாரிப்பு நிறுவனத்துக்கு சொல்லி மண்டையை கழுவியுள்ளார் அந்த இயக்குநர். அந்த தயாரிப்பாளரும் சரி உங்க பிரச்சனையை நான் தீர்த்து வைக்கிறேன் என அவரை நம்பி இறங்க அப்ப ஆரம்பிச்சது தான் எல்லாம் என்கின்றனர்.

மொத்தமும் நஷ்டம்

அந்த ஒல்லிபிச்சான் நடிகர் நடிப்பில் கடந்த ஆண்டு வெளியான கிராமத்து படம் ஃபயரில் அவரது ரசிகர்கள் இந்த படத்தை ஏகத்துக்கும் ஓட வைப்பார்கள் என்று போட்ட அத்தனை கணக்குகளும் படம் வெளியான முதல் நாளிலேயே சுக்கு நூறாக உடைந்து மொத்தமும் நஷ்டம் அடைந்துள்ளது.

வேட்டியில ஓணான்

வேலியில போன ஓணான வேட்டிக்குள்ள விட்ட மாதிரி, இப்போ அந்த தயாரிப்பு நிறுவனம் தவித்து வருகிறது. அதற்கு அடுத்து அந்த தயாரிப்பு நிறுவனம் சார்பில் வெளியாக இருந்த இரண்டு படங்களும் எப்போது ரிலீசாகும் என்ற தேதி கூட தெரியாமல் தள்ளிப் போயுள்ளது.

கடுப்பில் இளம் இயக்குநர்

அந்த இங்கிலீஷ் இயக்குநரை நம்பி தனது இரண்டாவது படத்தை இயக்கிய அந்த இளம் இயக்குநர் மூன்றாவது படத்தை இயக்கி முடித்து ரிலீசுக்கு காத்திருக்கிறார். ஆனால், இன்னமும் தனது இரண்டாவது படத்தை அந்த இங்கிலீஷ் இயக்குநர் ரிலீஸ் செய்யவில்லையே என செம்ம கடுப்பில் இருக்கிறார்.

லவ்வர்ஸ் டே

லவ்வர்ஸ் டேக்கு அந்த சொந்தக்கார பையனின் மாஸ் படம் வெளியாகும் என அப்டேட்கள் கொடுக்கப்பட்ட நிலையில், அந்த படமும் சொன்ன தேதிக்கு ரிலீசாகுமா? ஆகாதா? என்பது தெரியாமல் தற்போது படக்குழு திண்டாடி வருகிறதாம். ஏற்கனவே அன்றைய தினத்தில் பல பெரிய திரைப்படங்கள் போட்டி ரிலீசாகவுள்ளதால், அந்த படமும் திட்டமிட்டபடி ரிலீஸ் ஆவது கஷ்டம் தான் என்கின்றனர்.