சர்ச்சை நாயகிக்கு சிபாரிசு செய்யப்போய்... வாயால் வாய்ப்பை இழந்த நாயகன்

மூன்றெழுத்து நடிகரின் தயாரிப்பில் உருவாகும் புதிய படத்தில் வெற்றி நாயகன் நடிப்பதற்காக ஒப்பந்தமானார். டெல்லியில் நடந்த பாலியல் பலாத்காரத்தை அடிப்படையாகக் கொண்ட கதைக் களம் அது.

சம்பந்தப்பட்ட கல்லூரி மாணவி வேடத்துக்கு நடிகையாக யாரை ஒப்பந்தம் செய்யலாம் என படக்குழுவினர் யோசித்துக் கொண்டிருக்கையில் நாயகன், தனது சமீபத்திய கிசுகிசு நாயகியை சிபாரிசு செய்திருக்கிறார்.

சமீபத்து படமொன்றில் சர்ச்சையைக் கிளப்பிய நாயகி அவர் என்பதால் நாயகனின் சிபாரிசை புறக்கணித்து விட்டனர் படக்குழுவினர். அத்தோடு நடிகையின் கெட்டநேரம் நடிகரையும் தொற்றிக் கொள்ள தற்போது நாயகனையும் மாற்றி விட்டனராம்.

மூன்றெழுத்து நடிகரே தயாரிப்போடு சேர்த்து அப்படத்தில் நடிக்கவும் முடிவு செய்து விட்டாராம்.