இதற்கு பெயர் தான் சந்து கேப்பில் சிந்து பாடுவதோ?

ஹீரோயின்

நிகழ்ச்சியின் முதல் எபிசோடுக்கு அவருடன் சேர்ந்து நடித்த நடிகை ஒருவர் வந்தார். அந்த நடிகை வந்ததிலும் தப்பே இல்லை. நடிகர் எத்தனையோ பேருடன் ஜோடி சேர்ந்துள்ள நிலையில் விரைவில் ரிலீஸாக உள்ள படத்தின் ஹீரோயினை ஏன் அழைத்து வர வேண்டும். இப்படி கூடவா விளம்பரம் தேடுவார் அவர்?

பிரச்சனை பிரச்சனை

நடிகர் முக்கிய பொறுப்பு வகிக்கும் இரண்டு இடங்களில் பிரச்சனை, பிரச்சனை, பிரச்சனையோ பிரச்சனையாக உள்ளது. அவருக்கு சோறு போடும் துறையை சேர்ந்தவர்களின் பிரச்சனையையே தீர்த்து வைக்க முடியாமல் திண்டாடுகிறார். இந்நிலையில் சமூக பிரச்சனையை தீர்க்க வந்துவிட்டாரா என்ற விமர்சனம் எழுந்துள்ளது. இந்நிலையில் மக்களின் பிரச்சனையை தீர்க்கும் நிகழ்ச்சி மூலம் சீப் விளம்பரம் தேடுகிறார் என்று நெட்டிசன்கள் அவரை விளாசியுள்ளனர்.

விளம்பரம்

ஹாலிவுட்டை அடுத்து பாலிவுட்டில் மீ டூ இயக்கம் வேகம் எடுத்துள்ளது. கோலிவுட்டில் தற்போது தான் மீ டூ இயக்கம் மெல்ல சூடுபிடிக்கிறது. இந்நிலையில் தான் நடத்தும் டிவி நிகழ்ச்சியை அந்த இயக்கத்துடன் ஒப்பிட்டுள்ளார் ஒரு அம்மணி. மீ டூ வை வைத்து அவரின் நிகழ்ச்சிக்கு விளம்பரம் தேடியுள்ளார் அவர்.

இப்படி வேண்டாமே

படத்திற்கும், டிவி நிகழ்ச்சிக்கும் விளம்பரம் செய்வது முக்கியம் தான். ஆனால் அதற்காக இந்த அளவுக்கு இறங்கி வர வேண்டாமே. ஒரு விஷயம் நடக்கும்போது அதை ஆதரிக்காவிட்டாலும் அதன் மூலம் விளம்பரம் தேடாமல் இருப்பது நல்லது. தனது படம் ரிலீஸாகும் நேரத்தில் மீ டூ இயக்கத்தை கண்டுகொள்ளாவிட்டால் நெகட்டிவ் விளம்பரம் வந்துவிடுமே என்ற எண்ணத்தில் தான் அந்த நடிகர் ஆதரவு தெரிவித்ததாகவும் விமர்சிக்கப்படுகிறது.