எல்லாம் இவர் சுட்ட இட்லி தானாம்.. கான் நடிகர் இன்னும் கன்ஃபார்ம் பண்ணலயாம்!

எல்லாம் வியாபாரம்

அந்த பிரம்மாண்ட இயக்குநரிடம் இருந்த காலத்தில் இருந்தே வியாபாரத்திற்காக பல பில்டப் செய்திகளை பரப்புவதை வாடிக்கையாக கொண்டிருந்தவர் அந்த மூன்று எழுத்து இயக்குநர். தற்போது, தனது படத்தின் பட்ஜெட் சொன்னதை விட அதிகமாகி போய் விட்டதால், கான் நடிகரை இயக்கப்போவதாக மிகப்பெரிய இட்லியாக சுட்டுள்ளாராம் அந்த இயக்குநர்.

மாட்டிக்கிட்ட பங்கு

மூன்று எழுத்து இயக்குநர் சுட்ட இட்லியை நம்பிய வடமாநில செய்தி நிறுவனம் இந்த கூட்டணி உறுதியானது என அதிகாரப்பூர்வமாகவே செய்தியை வெளியிட்டு சிக்கலில் சிக்கிக் கொண்டது. விஷயம் விஸ்வரூபம் எடுக்க எந்த பேச்சுவார்த்தையும் இல்லை என்று போட்டுடைத்து விட்டாராம் அந்த கான் நடிகர்.

எஸ்கேப்

படம் ரிலீசாகும் நேரத்தில் தனது ராஜ தந்திரம் அனைத்தும் அம்பலமாகி விட்டதே என்பதை அறிந்த அந்த மூன்று எழுத்து இயக்குநர் இதுகுறித்து இப்போதைக்கு எந்த ஒரு சத்தமும் காட்ட வேண்டாம் என்று இந்த விவாகரம் குறித்து அறியாதவர் போல கண்டும் காணாமல் எஸ்கேப் ஆகியுள்ளாராம்.

புலம்பும் அக்கா

அந்த இசை நிகழ்ச்சியில் மாஸ் நாயகன் பேசிய பேச்சில், இப்போது காலை காட்சிகளும் ரத்தாகின. அதே போல படத்தில் இடம்பெற்ற பல அரசியல் வசனங்களுக்கு வாய்ப்பூட்டு போட்டுத்தான் சான்றிதழே வாங்கியுள்ளார்களாம். அந்த இயக்குநர் சொன்ன பட்ஜெட்டை விட இஷ்டத்துக்கு பல கோடிகளை அதிகரித்து விட்டுள்ள நிலையில், போட்ட அசலாவது கைக்கு வருமா என்ற குழப்பத்தில் அந்த பாசமான அக்கா புலம்பி வருகிறாராம்.