அனைத்து பாலிசியையும் மாற்றிய டாப் நடிகர்.. இந்த முறை பெரியளவில் புரமோஷன் பண்ண முடிவாம்!

பாலிசி மாறிடுச்சு

இதுவரை ஒரே மாதிரியான பாலிசியுடன் தனக்கென ஒரு வட்டத்தை வரைந்து கொண்டு அதற்குள் சுற்றி வந்த நடிகர் சமீப காலமாக தனது எல்லைகளை விரிவடைய வைத்த நிலையில், அவரது பழைய பாலிசிகளையும் தூக்கிப் போட்டு விட்டு புதிய ரூட்டுக்கு மாறி உள்ளதாக தகவல்கள் வெளியாகி உள்ளன.

கலாய்த்தவர்களுக்கே

அதுவும் த்ன்னை கலாய்த்தவர்களிடமே தனது பட புரமோஷன் பணிகளை முதலில் கொடுத்துள்ளார் என்கிற பரபரப்பு தகவல்கள் கசிந்துள்ளன. விரைவில் வர உள்ள தனது படத்தை இந்த முறை பெரிய அளவில் புரமோஷன் செய்யவும் நடிகர் முடிவு செய்து பச்சைக் கொடி காட்டி விட்டார் என்றும் கூறுகின்றனர்.

இயக்குநர் விதைத்த மாற்றம்

நடிகருடன் தொடர்ந்து பணியாற்றி வரும் அந்த இயக்குநர் கொஞ்சம் கொஞ்சமாக பேசியதன் விளைவு மற்றும் நடிகர் சமீபத்தில் வெளியே சென்று விட்டு வந்ததன் விளைவு தான் இது என்கின்றனர். தேவையில்லாத விஷயங்களை நினைத்து நேரத்தை வீணாக்கக் கூடாது என்றும் அனைத்தையும் தனது கட்டுப்பாட்டுக்குள் வைத்துக் கொள்ள முடியும் என்பதை நடிகர் நல்லாவே புரிந்து வைத்துக் கொண்டிருக்கிறார்.

போட்டி புரமோஷன்

போட்டி வேண்டாம், புரமோஷன் வேண்டாம் என ஒதுங்கி இருந்த நடிகர் இந்த முறை அனைத்திலும் இறங்கி அடிக்க முடிவு கட்டி விட்டாராம். ஆரோக்கியமான போட்டி நல்லது தான் என்றும் தயாரிப்பாளருக்கு சம்பாதித்து தர வேண்டியது ஒரு நடிகரின் கடமை என்பதையும் புரிந்து கொண்ட நிலையில், தான் இப்படி அடுத்தடுத்து அதிரடி முடிவுகளை அவர் எடுத்துள்ளார் என்று கூறுகின்றனர்.