தள்ளிப் போகும் டாப் நடிகரின் படம்.. சந்தர்ப்பத்தை பயன்படுத்திக் கொண்ட பிரைட் நடிகர்!

காயம்

ஷூட்டிங்கின் போது விபத்துகள் நடப்பது சர்வ சாதாரணமான ஒன்று தான். ஆனால், பெரிய விபத்துக்கள் ஏற்பட்டால், அது அந்த படத்தின் ஷூட்டிங் மற்றும் மொத்த திட்டத்தையும் பெரிதாக பாதித்து விடும். சின்ன விபத்து தான் என்று சொன்னாலும், தொடர்ந்து நடிக்க ஓய்வு தேவை படுவதால், ஷூட்டிங்கில் தாமதம் ஏற்பட்டு வருகிறது.

ஷுட்டிங் விபத்து.. தன்னை கைய காட்டிட கூடாதுன்னுதான் அவர் முந்தினாராம்.. ஆனாலும் விவகாரமாயிடுச்சாம்!

மெதுவா

சில வாரங்கள் ஓய்வு எடுக்க சொல்லி மருத்துவர்கள் அந்த டாப் நடிகருக்கு அறிவுரை வழங்கியுள்ள நிலையில், படத்தின் மத்த காட்சிகள் படமாக்கப் பட்டு வருகின்றன. ஆனாலும், விறு விறுப்பாக ஷூட்டிங் செல்லாமல், சற்று மெதுவாகவே நகர்கின்றதாம். இதனால், தான் படம் குறித்த எந்தவொரு அப்டேட்டையும் கொடுக்க முடியாமல் படக்குழு தவித்து வருகிறது.

பண்டிகை நாளில் இல்லை

இதனால், திட்டமிட்டபடி அந்த பெரிய பண்டிகை நாளில் டாப் நடிகரின் காக்கிச் சட்டை படம் ரிலீசாகாது என்ற தகவல்கள் கோலிவுட்டில் பரபரப்பாக பேசப்பட்டு வருகின்றன. மேலும், டிசம்பர் இறுதி அல்லது அடுத்த ஆண்டுக்கு கூட படத்தின் ரிலீஸ் தேதி தள்ளிப் போகும் வாய்ப்பிருப்பதாகவும் தகவல்கள் கசிந்து வருகின்றன.

இதுதான் சமயம்

இந்த விஷயம் குறித்த உறுதியான தகவலை தெரிந்து கொண்ட அந்த பிரைட் நடிகர், தனது அடுத்த ஆட்டத்தை ஃபுல் ஸ்பீடில் ஆட முடிவெடுத்துள்ளார். அந்த பெரிய பண்டிகை நாளை மாஸ் நடிகர் குறி வைப்பதற்கு முன்னதாக, தான் கைப்பற்ற வேண்டும் என திட்டமிட்ட, அந்த பிரைட் நடிகர் அதிரடியான அறிவிப்புகளை வெளியிட்டு, தனது ரசிகர்களை ஆரவாரப்படுத்தி வருகிறார்.

அண்ணன்.. தம்பி

கடந்த ஆண்டு பெரிய பண்டிகை தினத்தன்று தம்பி படம் வெளியாகி பயங்கர ஹிட் ஆனது. இந்நிலையில், இந்த ஆண்டு பெரிய பண்டிகையை அண்ணன் நடிகர் குறிவைத்துள்ளார். கடந்த சில ஆண்டுகளாகவே குறிப்பிட்ட தேதியில் ரிலீஸ் செய்ய முடியாமல் தவித்து வரும் அந்த நடிகரின் படம், இப்போதாவது திட்டமிட்ட படி வெளியாகுமா என்பதை பொறுத்திருந்து பார்ப்போம்.