அந்த மூணும் புஷ் ஆகிடுச்சு.. அதுக்கு க்ரீன் சிக்னல் கொடுத்த டாப் நடிகர்.. லேசா ஆரம்பித்த பயம்?

சிக்கலான போட்டி

மாஸ் நடிகர் மற்றும் டாப் நடிகர் என இரு பெரும் நடிகர்களுக்கும் இந்த போட்டி ரொம்பவே ஒரு சிக்கலான போட்டியாகவே இருக்கும் என எதிர்பார்க்கப்படுகிறது. வசூல் மன்னர்களான இருவரும் தனித்தனியாக படத்தை ரிலீஸ் செய்தால் அந்த படம் சுமாராக இருந்தாலும் இந்த ஆண்டு தியேட்டர்கள் வசூலை குவித்தது போல பெரிய வசூல் வேட்டை நடத்தலாம். ஆனால், இருவரும் மோதி பார்க்கும் முடிவுடன் வருவதை தியேட்டர் உரிமையாளர்கள் மற்றும் விநியோகஸ்தர்களே பெரிதளவில் விரும்பவில்லையாம்.

மூணும் புஷ்

கடந்த முறையே பாடல்கள் சரியாக அமையவில்லை என்பதற்காக கடைசியில் இசையமைப்பாளரையே மாற்றிய அக்கப்போர் எல்லாம் நடந்த நிலையில், இந்த முறை அதை விட மோசமான நிலையில், சமீபத்தில் வெளியான அந்த 3 பாடல்களுமே புஷ் ஆகி விட்டன. இதனால் இசையமைப்பாளருக்கும் டாப் நடிகருக்கும் இடையே மீண்டும் முட்டிக் கொண்டதாக பேச்சுக்கள் கசிந்துள்ளன.

க்ரீன் சிக்னல்

இதுவரை ப்ரமோஷன் விஷயத்தில் பெரிதாக ஆர்வம் காட்டாத நிலையில், கடைசி நேரத்தில் படத்தை வாங்கிய அந்த பெரிய நிறுவனம் மிகப்பெரிய அளவில் ப்ரமோஷன் செய்தால் தான் ஓவர்சீஸ் மார்க்கெட்டை பிடிக்க முடியும் என எடுத்துச் சொன்ன நிலையில், ஒரு வழியாக டாப் நடிகர் அதுக்கு க்ரீன் சிக்னல் கொடுத்துள்ளதாராம். அதனால் தான் பிரம்மாண்ட ப்ரமோஷன்களில் கடைசி நேரத்தில் படக்குழு இறங்கி உள்ளதாக கூறுகின்றனர்.

விழா நடத்தவும் ஏற்பாடு

இதுமட்டுமின்றி நடிகர் கலந்து கொள்ளாமல் ஒரு விழா ஒன்றையும் நடத்த படக்குழு திட்டமிட்டு இருப்பதாகவும் ஹீரோயின் உள்ளிட்ட பிரபலங்கள் அந்த ப்ரமோஷன் நிகழ்ச்சியில் பங்கு பெற உள்ளதாக கூறுகின்றனர். இந்த முறை போட்டியில் எப்படியாவது வெல்ல வேண்டும் என்கிற பயம் தான் இப்படியெல்லாம் செய்ய வைக்கிறதா என ட்ரோல்களும் பறக்கின்றன.