மாஸ் நடிகரின் படம் ஓடாமல் போனதுக்கு டாப் நடிகர் தான் காரணமா? மேனேஜர் மூலம் பார்க்கப்பட்ட வேலை!

அதன் மீது கவனம்

சோஷியல் மீடியாவில் இல்லை என்றாலும், தொடர்ந்து அதனை பிற அக்கவுண்ட்கள் மூலம் அதிகம் கவனித்து வருகிறாராம் அந்த டாப் நடிகர். சரியான நேரத்தில் தனது புகைப்படங்களை வெளியிட சொல்வதும் அவர் தான் என்கின்றனர். சமீப காலமாக அதிகரித்துள்ள ரசிகர்கள் சண்டைக்கு அவர் செய்த வேலைகள் தான் பெரிய காரணமே என்கிற பேச்சு தற்போது கிளம்பி உள்ளது.

அந்த படம் ஓடக்கூடாது

தன்னுடைய படம் ஓடவில்லை என்றதும், மாஸ் நடிகரின் புதிய படத்தையும் ஓடவிடக் கூடாது என்பதில் ரொம்பவே தீவிரம் காட்டி வந்தார் எனக் கூறப்படுகிறது. மேலும், அந்த நடிகரை வைத்து படம் இயக்கும் இயக்குநர்களை தன் பக்கம் இவர் சேர்ப்பதே இல்லையாம். அப்படித்தான் அந்த கோலிவுட் நோலனை பக்கமே சேர்க்கவில்லை என பேசிக் கொள்கின்றனர்.

காசு கொடுத்து

மாஸ் நடிகரின் படம் படுதோல்வியை சந்திக்க காசு கொடுத்து இவர் செட்டப் செய்த சில ஆட்கள் சமூக வலைதளங்களில் கிளப்பி விட்டது தான் காரணம் என்கின்றனர். மேலும், தனது ரசிகர்களுக்கு இன்னொரு பிற மொழி படத்தை பெரிய அளவில் கொண்டு செல்ல வேண்டும் என்றும் நடிகர் கூறினார் என திடுக்கிடும் தகவல்கள் பரப்பப்பட்டு வருகின்றன.

உண்மை என்ன

ஆனால், இது எதுவுமே அந்த நடிகருக்குத் தெரியாது என்றும் நடிகரின் மேனேஜர் தான் இது போன்ற வேலைகளில் இறங்கி டாப் நடிகருக்கு ஆதரவாகவும் மாஸ் நடிகருக்கு எதிராகவும் பல வேலைகளை பார்த்து வருகிறார் என்றும் பகீர் குற்றச்சாட்டுக்களை கோடம்பாக்க வாசிகள் முன் வைத்து வருகின்றனர். சீக்கிரமே இந்த தகவல்கள் நடிகரின் காதுகளுக்கு எட்டிவிடும் என்றும் எதிர்பார்க்கப்படுகிறது.

ஏன் அடக்கவில்லை

டாப் நடிகரின் மேனேஜருக்கு இதில் சம்பந்தம் இல்லை என்றால், சமூக வலைதளத்தில் கொழுந்து விட்டு எரியும் ரசிகர் சண்டையை அடக்க அவர் ஏன் உத்தரவிடவில்லை என்கிற கேள்விகளையும் சினிமா வட்டத்தினர் முன் வைத்து வருகின்றனர். மேலும், நடிகருக்கும் இந்த விஷயம் தெரிந்தும் அவரும் அமைதி காத்து வருகிறார் என்றும் பேசிக் கொள்கின்றனர்.