அங்க பிசினஸ் அனல் பறக்குது.. நம்ம படத்தை வாங்க ஒருத்தனும் வர மாட்றானே.. புலம்பும் தயாரிப்பாளர்!

தள்ளிப் போகாதே

இந்த ஆண்டு பெரிதும் எதிர்பார்த்த அந்த படம் ஆரம்பத்தில் வெளியாகி சொதப்பிய நிலையில், உடனடியாக அடுத்த படத்தைக் கொடுத்து வசூலை வாரி விட வேண்டும் என டாப் நடிகர் கடுமையாக உழைத்து வந்தார். ஆனால், அவருக்கு கிடைத்த சூப்பரான தயாரிப்பாளர் சொதப்பல் காரணமாக படம் கடந்த ஆண்டை போல இந்த ஆண்டும் சொன்ன தேதியில் வெளியாகாமல் அடுத்த ஆண்டுக்கு தள்ளிப் போகும் நிலை உருவாகி உள்ளது.

சூடு பிடித்த பிசினஸ்

எந்தவொரு ஹைப்பும் இல்லாமல், மாஸ் நடிகர் ரசிகர்களே மட்டம் தட்டி வந்த அந்த படத்தின் தயாரிப்பாளர் அனைவரையும் ஆச்சர்யத்தில் ஆழ்த்தும் அளவுக்கு மிகப்பெரிய பிசினஸை அதற்குள் செய்து முடித்து விட்டார் என்கிற தகவல் தற்போது டாப் நடிகரின் படக்குழுவுக்கு இடியாய் வந்து இறங்கி உள்ளது.

முடிக்க முடியமல் தவிப்பு

சொன்ன தேதியில் ரிலீஸ் செய்வதெல்லாம் ஒரு பக்கம் இருக்கட்டும், படத்தை முழுதாக முடிக்கக் கூட முடியாமல் போய் விட்டதே என இயக்குநர் ரொம்பவே ஃபீல் பண்ணி இந்த படத்தையும் நடிகரும் தயாரிப்பாளரும் சேர்ந்து சொதப்ப வைத்து விடுவார்கள் போல என நினைத்து நினைத்து பெரும் சோகத்திலேயே ஆழ்ந்து விட்டாராம்.

டென்ஷனில் தயாரிப்பாளர்

ஹீரோவுக்கும், இயக்குநருக்கும் சரியான பதிலை சொல்ல முடியாமல், பிசினஸையும் ஆரம்பிக்க முடியாமல் தயாரிப்பாளரும் ரொம்பவே டென்ஷனாகி உள்ளாராம். டாப் நடிகர் படத்தின் பிசினஸ் அதிரடி காட்டி வரும் நிலையில், நடிகர் சம்மதித்தால் நம்முடைய படத்துக்கான பிசினஸ் வேலைகளையும் ஆரம்பிக்கலாம் என தயாரிப்பாளர் நினைத்தாலும், படத்தை முடிக்காமல் எதையும் பண்ண வேண்டாம் என நடிகர் ஸ்ட்ரிக்ட்டாக சொல்லிட்டாராம். அடுத்த ஷெட்யூலுக்கு மேலும், இயக்குநர் பெரிய பில் போட்டுக் கொடுத்துள்ள நிலையில், எப்போ ஆரம்பித்து, எப்படி முடிக்கப் போகின்றனரோ என படக்குழுவே விழி பிதுங்கி உள்ளதாக பேச்சுக்கள் அடிபட்டு வருகின்றன.