கிளைமேக்ஸ் சுத்தமா புடிக்கல.. நல்லா டைம் எடுத்து எழுதுங்க.. கடுப்பில் கிளம்பினாரா டாப் நடிகர்?

கன்டென்ட் கிடைக்கலைன்னா காப்பி

நல்ல திரைக்கதைக்கான காட்சிகளை சிந்திக்க முடியாத இயக்குநர்கள் உலகில் ஏற்கனவே அதுபோன்ற படங்களில் வந்த காட்சிகளை அப்படியே காப்பி பேஸ்ட் செய்து விடுகின்றனர். டாப் நடிகரை வைத்து படம் இயக்கி வரும் அந்த இயக்குநரும் அதற்கு விதிவிலக்கு அல்ல என்பதை அவரது போன படம் புட்டு புட்டு வைத்து விட்டது. இந்நிலையில், மீண்டும் அதே போன்ற ஒரு தவறை அவர் செய்திருப்பதாக பேச்சுக்கள் கிளம்பி உள்ளன.

டூருக்கு காரணம்

எந்தவொரு விழாவிலும் கலந்து கொள்ளாமல் அல்லும் பகலும் இயக்குநர் சொல்வதற்கெல்லாம் எந்தவொரு மறுப்பையும் தெரிவிக்காமல் தனக்கு தேவையான காட்சிகளை கூட வைக்க சொல்லாமல் வெற்றி ஒன்றே இலக்கு என ஓடிக் கொண்டிருந்த அந்த நடிகர் திடீரென ரிலாக்ஸ் மூடுக்கு செல்ல காரணமே அவருக்கு ஏற்பட்ட உச்சக்கட்ட கோபம் தான் என்கின்றனர்.

கிளைமேக்ஸ் சரியில்லை

எடுத்த வரைக்கும் படம் அட்டகாசம் வந்ததை பார்த்து சந்தோஷத்தில் டபுள் கால்ஷீட் எல்லாம் போட்டு இந்த ஆண்டு அந்த பெரிய பண்டிகையை தெறிக்கவிடலாம் என நினைத்துக் கொண்ட நடிகருக்கு பெரிய குண்டை தூக்கிப் போடும் அளவுக்கு கிளைமேக்ஸ் காட்சியில் இயக்குநர் பண்ண வேலை ஆகிவிட்டதாம். முதலில் அந்த காட்சியை பாராட்டி எல்லாத்துக்கும் ஓகேன்னு சொல்லி ஏற்பாடு செய்த நிலையில், நடிகரின் ஆன்லைன் ஸ்பைகள் மூலம் இது எந்த படத்திலாவது இருக்கிறதா? என்பதை வேவு பார்க்க சொல்லி இருக்கிறார். அவர்கள் அளித்த ரிப்போர்ட் தான் படப்பிடிப்பை அப்படியே நிறுத்தி விட்டு நடிகர் புறப்பட்டு விட்டாராம்.

யோசிச்சு எழுதுங்க

ஒன்றும் அவசரமில்லை. பொறுமையா ரிலீஸ் பண்ணிக்கலாம். நான் உங்களை அர்ஜெண்ட் பண்ணா, நீங்க இப்படித்தான் எதையாவது அவசரமாக எடுத்து வைப்பீர்கள். டைம் எடுத்துக்கோங்க, நல்லா யோசிங்க இந்த முறை மிஸ் ஆகக் கூடாது என சொல்லி விட்டு சென்றது தான் இந்த தாமதத்திற்கு காரணம் என கோடம்பாக்கத்தில் பேச்சுக்கள் புகையத் தொடங்கி உள்ளன.