அந்த நடிகைக்கு முக்கியத்துவம் கொடுத்து, இவரை டம்மி ஆக்கிட்டாங்களாம்..செம கடுப்பில் சீனியர் ஹீரோயின்

சீனியர் ஹீரோயின்

ஆனால், இந்த ஹீரோயினை அப்படித்தான் சொல்கிறார்கள். இவரும் நம்பர் நடிகைதான். தமிழ், தெலுங்கு, மலையாளம் என நடித்து வருகிறார் இவரும். ஆனால், இயக்குனருடன் காதலில் விழுந்திருக்கிற நடிகையல்ல, இவர். சீனியர் ஹீரோயின் ஆகிவிட்ட இந்த நடிகை இப்போது மலையாளப் படத்தில் நடித்து வருகிறார். லாலேட்டனுடன் நடிக்கும் இவர், அடுத்து தெலுங்கில் சீனியர் ஹீரோவுக்கு ஜோடியாக நடிக்க, ஒப்பந்தமாகி இருந்தார்.

விலகி விட்டார்

சீனியர் ஹீரோவுடன் நடிக்க, பல ஹீரோயின்கள் மறுத்து வரும் நிலையில், நடிக்க சம்மதித்தார், இவர். காரணம் ஏற்கனவே சில வருடங்களுக்கு முன் அந்த சீனியர் ஹீரோவுடன் நடித்திருக்கிறார், இந்த நடிகை. அக்ரிமென்ட் போட்டு, எல்லாம் முடிந்த நிலையில் ஷூட்டிங் போக வேண்டிய நேரத்தில், படத்தில் இருந்து விலகி விட்டார், நடிகை. இதை பற்றி சோஷியல் மீடியாவில் அறிவித்தும் விட்டார்.

இன்னொரு ஹீரோயின்

விசாரித்தால், நடிகை திடீரென்று விலக, படத்துக்குள் இன்னொரு ஹீரோயின் வந்ததுதான் காரணமாம். அதாவது படத்தில் இளம் ஹீரோ ஒருவர் நடிக்க இருக்கிறார். அந்த கேரக்டரில் நடிக்க டாப் ஹீரோவான பாபுகாருவை கேட்டனர். கடைசியில் சீனியர் ஹீரோவின் மகனே அந்த கேரக்டரில் நடிக்கிறாராம். அவருக்கு ஜோடியாக, இப்போதைய டாப் ஹீரோயின் ஒருவரை ஒப்பந்தம் செய்துள்ளனர்.

காட்சிகள் குறைப்பு

அவர் கேரக்டரை பெரிதாக்கி, கதையையும் மாற்றிவிட்டார்களாம். சீனியர் ஹீரோ மகனுக்கான காட்சிகளை நீட்டித்ததால், சீனியர் ஹீரோயினுக்கான காட்சிகளை குறைத்து விட்டதாகத் தகவல். இது அந்த நடிகைக்கு தெரியவர, கடுப்பில் தயாரிப்பு மற்றும் இயக்குனரிடம் கோபமாகப் பேசிவிட்டு விலகிவிட்டார் என்கிறார்கள். இதனால், இப்போது அந்த அகர்வால் நடிகையிடம் பேசிவருவதாகத் தகவல்!