இவருக்கு மட்டும் எப்படி?: நம்பர் நடிகையை பார்த்து வயிறு எரியும் நடிகைகள்

சென்னை: நம்பர் நடிகைக்கு மட்டும் அவர் கேட்கும் சம்பளத்தை தயாரிப்பாளர்கள் மறுபேச்சு பேசாமல் கொடுப்பதால் சில முன்னணி நடிகைகள் கடுப்பாகி உள்ளார்களாம்.

ரப்பர் பாடி இயக்குனருடன் காதல் முறிந்த பிறகு மீண்டும் நடிக்க வந்த நம்பர் நடிகை விட்ட இடத்தை பிடிக்க மாட்டார் என்று பலர் நினைத்தனர். ஆனால் அவர் விட்ட இடத்தை பிடித்ததுடன் இளம் ஹீரோக்கள், தயாரிப்பாளர்களின் பிரிய நடிகையாக உள்ளார்.

அம்மணி தற்போது ரூ.1.5 கோடி சம்பளம் வாங்குகிறார். அவர் தற்போது நடித்து வரும் படங்களில் ஒன்று இரண்டு ஹிட்டானால் சம்பளத்தை ரூ.2 கோடியாக்க திட்டமிட்டுள்ளாராம்.

மேலும் நம்பர் நடிகை சம்பளம் கேட்டால் மட்டும் தயாரிப்பாளர்கள் பேரம் பேசாமல் கொடுக்கிறார்களாம். இது முட்டை கண்ணழகி நடிகை, சமத்து மற்றும் செவத்த பொண்ணு ஆகிய நடிகைகளை கடுப்பாக்கியுள்ளதாம்.

நாம் கோடிகளில் கேட்டால் மட்டும் முக்கி முணங்குகிறார்கள், ஆனால் நம்பர் நடிகை கேட்டால் மட்டும் சிரித்த முகத்துடன் கொடுக்கிறார்களே, அதற்கு என்ன காரணம் என்பதை கண்டுபிடிக்க வேண்டும் என நடிகைகள் ரூம் போட்டு யோசிக்கிறார்களாம்.