கைக்கு வந்தது வாய்க்கு எட்டாம போயிடுமோ.. கடையை சாத்திய நடிகர்.. புலம்பித் தவிக்கும் இயக்குநர்!

காப்பி அடித்தே

கஷ்டப்பட்டு மூளையை கசக்கி முன்னுக்கு வராமல் எத்தனையோ இயக்குநர்கள் கோடம்பாக்கத்தில் வாய்ப்புக்காக சுற்றி வரும் நிலையில், மற்ற படங்களில் இருந்து கதையை சுட்டு பட்டி டிக்கெரிங் பார்த்தே கோலிவுட்டில் இருந்து பாலிவுட் வரை சென்றுள்ளார் அந்த காப்பி இயக்குநர்.

கைக்கு எட்டியது

நீண்ட நாள் தவமாய் தவம் கிடந்து கிடைத்த வரத்தை பயன்படுத்த போகிறோமே என சந்தோஷம் அடைந்து அனைத்து வேலைகளையும் ஆரம்பித்த நிலையில், கைக்கு எட்டியது வாய்க்கு எட்டவில்லையே என்கிற நிலைக்கு ஆளாகி உள்ளதாக தகவல்கள் கசிந்துள்ளன.

திடீர் சோகம்

கிங்காக திரையுலகையே கலக்கிக் கொண்டிருந்த அந்த நடிகரின் மகன் சிக்கலில் சிக்கியுள்ள நிலையில், திடீரென அந்த குடும்பமே சோகத்தில் ஆழ்ந்துள்ளது. வேறு எதிலும் தற்போது தனது மனதை செலுத்த முடியாமல் தவித்து வருவதால் ஒட்டுமொத்த திரையுலகமும் சிக்கலில் சிக்கி உள்ளது.

காலியாகும் கால்ஷீட்

சோகத்தில் மூழ்கியுள்ள நடிகர் எந்தவொரு படப்பிடிப்பிலும் ஆர்வம் செலுத்தாமல் உள்ள நிலையில், மெகா பட்ஜெட்டில் உருவாகும் படத்திற்காக கால்ஷீட் ஒதுக்கிய நடிகர்கள் மற்றும் தொழில் நுட்ப கலைஞர்களுக்கு மிகப்பெரிய சிக்கல் உருவாகி உள்ளது. இந்த விவகாரத்தில் யாருமே எதையுமே சொல்ல முடியாத நிலையில் உள்ளார்களாம்.

இயக்குநர் புலம்பல்

எப்படியோ அந்த பெரிய படத்தை இயக்கி ஹிட் கொடுத்ஹு விடலாம் என கனவு கண்டு கொண்டிருந்த இயக்குநருக்கு இப்படி ஷூட்டிங் நடத்த முடியாமல் தடை ஏற்பட்டுள்ள நிலையில், இந்த பிரச்சனை எப்போது சரியாகும் நடிகர் பழையபடி எப்போது செட்டிற்கு திரும்ப போகிறார் என ஒரே கவலையில் புலம்பி வருகிறாராம்.