வீக் எண்ட் ஆகிட்டால் ஃபிளைட் மோட்.. இளம் நடிகரின் ரூட்டே சரியில்லை.. புலம்பும் குடும்பத்தினர்

சென்னை: சினிமாவில் ஆரம்பத்தில் நல்ல கதைகளைத் தேர்ந்தெடுத்து நடித்து, குறுகிய காலத்திலேயே மக்கள் மத்தியில் நல்ல வரவேற்பைப் பெற்றவர் அந்த இளம் நடிகர். தற்போதும் அவரது கைவசம் சில முக்கியத் திரைப்படங்கள் உள்ளன. இப்படி திரைப்பயணத்தில் ஏறுமுகத்தில் இருக்கும் அந்த நடிகர், சமீபகாலமாகத் தனது சொந்த வாழ்க்கையில் எடுத்து வரும் சில முடிவுகள் அவரது குடும்பத்தினரைத் பெரும் கவலையில் ஆழ்த்தியுள்ளது.

பொதுவாகவே வார இறுதி நாட்கள் வந்துவிட்டாலே திரையுலகைச் சேர்ந்த பலரும் பார்ட்டி, கொண்டாட்டம் எனத் தங்களை ரிலாக்ஸ் செய்து கொள்வது வழக்கம் தான். ஆனால், இந்த இளம் நடிகரோ வார இறுதி நாட்களில் யாருடைய தொடர்பிலும் இல்லாதவாறு தனது மொபைல் போனை 'ஃபிளைட் மோடில்' போட்டுவிட்டு, முற்றிலும் புதியதொரு பாதையில் பயணிக்கத் தொடங்கியுள்ளதாகத் தகவல்கள் வெளியாகியுள்ளன.

தொடர்பை துண்டிக்கும் நடிகர்: வெள்ளிக்கிழமை இரவு தொடங்கிவிட்டால் போதும், ஞாயிறு இரவு வரை நடிகர் எங்கு இருக்கிறார், யாருடன் இருக்கிறார் என்ற எந்த விவரமும் அவரது குடும்பத்தினருக்கே தெரிவதில்லையாம். நெருங்கிய நண்பர்கள் மற்றும் திரையுலகைச் சேர்ந்தவர்கள் தொடர்பு கொள்ள முயன்றாலும் அவரது எண் தொடர்புக்கு அப்பாற்பட்டே காட்டுகிறது.

"அவர் தனது ஆரம்பகால நண்பர்கள் சிலருடன் இணைந்து கொண்டு, வார இறுதி நாட்களில் முற்றிலும் தனி உலகிற்குச் சென்றுவிடுகிறார். சினிமா, குடும்பம் என எதைப் பற்றியும் கவலைப்படாமல் அவர் இருக்கும் இந்த நிலை அவரது எதிர்காலத்தைப் பாதிக்குமோ என்ற பயம் எங்களுக்கு இருக்கிறது" என்று அவருக்கு நெருக்கமான வட்டாரங்கள் கவலை தெரிவிப்பதாகக் கூறப்படுகிறது.

கவலையில் குடும்பத்தினர்: நடிகரின் இந்த திடீர் மாற்றமும், யாருக்கும் கட்டுப்படாத இந்த போக்கும் அவரது குடும்பத்தினருக்குப் பெரும் அதிருப்தியை ஏற்படுத்தியுள்ளது. குறிப்பாக, அவரது பெற்றோர் மகனின் இந்த நடவடிக்கையைக் கண்டு மிகவும் கோபமடைந்தும், வருத்தமடைந்தும் உள்ளதாகத் தெரிகிறது. எவ்வளவு சொல்லியும் நடிகர் தனது இந்த 'வீக் எண்ட்' பழக்கத்தை மாற்றிக்கொள்ளத் தயாராக இல்லை என்றும் கூறப்படுகிறது.

சினிமாவில் நல்லதொரு இடத்தைப் பிடித்து, அடுத்தடுத்த கட்டங்களுக்கு நகர வேண்டிய இளம் நடிகர், இப்படி வார இறுதி நாட்களில் யாருடனும் தொடர்பில்லாமல் தடம் மாறிச் செல்வது அவரது சினிமா வாழ்க்கையைத் பாதிக்குமோ என்ற அச்சம் தற்போது கோலிவுட் வட்டாரத்திலும் பேசப்பட்டு வருகிறது. பலரது கவனத்தை ஈர்த்துள்ள இந்த இளம் நடிகரின் விசித்திரப் பழக்கம், சினிமா வட்டாரத்தில் தற்போதைய ஹாட் டாபிக்காக மாறியுள்ளது. மேலும் அவர் தற்போது நடித்து வரும் படத்தில் நடிக்கும் சிலர் மட்டும் இந்த நடிகரின் இந்த செயலுக்குப் நடிகை ஒருவரின் நடவடிக்கை தான் காரணம் என்று தெரிவித்தாராம்.