Click it and Unblock the Notifications
விஜய் வீட்டில் கொண்டாட்டம்... வேலாயுதம் குழுவினருக்கு விருந்து!
வேலாயுதம் படக்குழுவினருக்கு நேற்று இரவு தனது வீட்டில் விருந்து கொடுத்தார் நடிகர் விஜய்.
விஜய், ஹன்சிகா, ஜெனிலியா நடித்த வேலாயுதம் படம் தீபாவளிக்கு ரிலீசாகி ஓடிக் கொண்டிருக்கிறது. இப்படம் வெற்றிகரமாக ஓடுவதாக விஜய் தெரிவித்தார். கூடுதல் தியேட்டர்களில் திரையிடப்பட்டுள்ளதாகவும், வசூல் அதிகரித்துள்ளதாகவும் இந்தப் படக் குழுவினர் தெரிவித்துள்ளனர்.
இந்த வெற்றியைக் கொண்டாடும் வகையில், வேலாயுதம் பட இயக்குநர் ராஜா, இசை அமைப்பாளர் விஜய் ஆண்டனி உள்ளிட்ட குழுவினர் மற்றும் நண்பர்களுக்கு தனது நீலாங்கரை வீட்டில் பெரும் விருந்து அளித்தார் விஜய்.
வேலாயுதம் படத்தின் கதை விவாதத்தில் கலந்து கொண்ட நடிகர் ஜெயம்ரவியும் விருந்துக்கு வந்திருந்தார்.
படத்தின் உதவி இயக்குநர்கள் அத்தனை பேருடனும் நெருக்கமாகப் பழகிய விஜய், தானே அவர்களுக்குப் பரிமாறினாராம்.
Continue with Google