ஷாருக்கானுக்கு வயது 46: தூக்கத்தில் கொண்டாட்டம்!

பாலிவுட் நடிகர் ஷாருக்கான் இன்று தனது 46வது பிறந்தநாளைக் கொண்டாடுகிறார். சற்று வித்தியாசமாக தூங்கிக் கொண்டே பிறந்தநாள் கொண்டாடுகிறார்.

பாலிவுட் நடிகர் ஷாருக்கான் தனது சூப்பர்ஹீரோ படமான ரா ஒன் விளம்பர நிகழ்ச்சிகளுக்காக ஆடி, ஓடித் திரிந்து கலைத்துவிட்டார். அதனால் தனது பிறந்தநாளை சற்று வித்தியாசமாக தூங்கிக் கொண்டே கொண்டாடுகிறார்.

இது குறித்து அவர் டுவிட்டரில் கூறியிருப்பதாவது,

வீட்டுக்கு வந்தால் என் வீட்டு வாசலில் எனக்கு பிறந்தநாள் வாழ்த்துக் கூற பலர் காத்திருந்தனர். அவர்கள் அனைவரும் ஒன்றாகச் சேர்ந்து எனக்கு பிறந்தநாள் வாழ்த்து கூறியதில் எனக்கு கண்ணீரே வந்துவி்ட்டது. தூங்கப் போகிறேன். நீண்ட நேரம் தூங்கப் போகிறேன். உங்கள் வாழ்த்துகளுக்கு என் மனமார்ந்த நன்றியைத் தெரிவித்துக்கொள்கிறேன். வயதான மாதிரி ஃபீலிங்கே இல்லை என்று தெரிவித்துள்ளார்.

ஷாருக்கானின் ரா ஒன் படம் வசூலில் புதிய சாதனைகள் படைத்துள்ளதால் அவர் குஷியாக உள்ளார். சூப்பர் ஹீரோவாக நடிக்க என் வயது உகந்ததில்லை என்று தெரிந்தும் முயற்சித்து தான் பார்க்கலாமே என்று நடித்தேன். தற்போது படம் நன்றாக ஓடுவதால் மகிழ்ச்சியாக உள்ளது என்று அவர் கூறினார்.