ஆஸ்கர் ரவிச்சந்திரனுக்கு விஜய்யின் அடுத்த படம்... இயக்குநர் ராஜா!

Published: Wednesday, November 4, 2009, 13:53 [IST]

Vijay with Anshka — மேலும் புதிய படங்கள்

தனது சினிமா வாழ்க்கைக்கே புதிய திருப்பத்தைத் தந்த காதலுக்கு மரியாதை படத்தை தயாரித்த ஆஸ்கர் ரவிச்சந்திரனின் அடுத்த படத்தில் நடிக்கிறார் விஜய். (இந்தப் படத்தை சங்கிலிமுருகன் தயாரிக்க ஆரம்பிக்க, பின்னர் அதை அவரிடமிருந்து வாங்கி ஆஸ்கர் தான் தயாரித்தார்)

இந்தப் படத்தை இயக்கப் போகிறவர் அடுத்தடுத்து தொடர் வெற்றிகளைத் தந்த ஜெயம் ராஜா.

தனது தம்பி ஜெயம் ரவியை வைத்து தொடர்ந்து 5 படங்கள் இயக்கிய ராஜா, வெளி ஹீரோ ஒருவரை வைத்து படம் இயக்குவது இதுவே முதல் முறை.

காதலுக்கு மரியாதை படம் தந்த கமர்ஷியல் வெற்றியை இந்தப் படமும் நிச்சயம் தரும் என்பதற்கு இந்த கூட்டணியே சான்று என்கிறார் இயக்குநர் ராஜா.

விஜய்யின் 51வது படம் இது. 2011 தீபாவளி வெளியீடாக இந்தப் படம் வெளியாகும் என ஆஸ்கர் தரப்பில் அறிவிக்கப்பட்டுள்ளது.

இதர நடிகர்கள், தொழில் நுட்பக் கலைஞர்கள் பற்றிய விவரங்கள் விரைவில்...