For Quick Alerts
    ALLOW NOTIFICATIONS  
    For Daily Alerts

    இளைஞர்களின் 'யூத் ஐகான்' அஜீத்... இணையதள சர்வே முடிவு!

    By Shankar
    |

    இன்றைய இளைஞர்களின் விருப்பமான நடிகர், இளைஞர்களின் அடையாளமாகப் பார்க்கப்படுபவர் யார் தெரியுமா... அஜீத்!

    ஆனந்த விகடன் பத்திரிகையின் சினிமா இணையதளத்தில் 'இப்போது இருக்கும் இளைஞர்களின் மனதில் யூத் ஐகான் என்று யாரை குறிப்பிடுகிறார்கள்?' என்று கேள்வி கேட்டிருந்தார்கள்.

    இதற்கு பதிலாக ரஜினி, கமல், விஜய், அஜித், சூர்யா, விக்ரம், சிம்பு, தனுஷ், ஆர்யா, விஷால் என்று நடிகர்களின் பெயர்களை பட்டியலிட்டு, அவர்களில் ஒருவர் பெயரை குறிப்பிடுமாறு கேட்டிருந்தனர்.

    கடந்த ஜூன் 23-ம் தேதி துவங்கிய இந்த சுவாரசியமான சர்வே ஜூலை 31-ம் தேதியுடன் முடிந்தது.

    38 நாட்கள் நடைபெற்ற இந்த இணையதள வாக்கெடுப்பில், 63434 வாக்குகள் பதிவாகியுள்ளன. இதில் 43384 (68.4%) வாக்குகள் பெற்று நடிகர் அஜித் முதலிடம் பிடித்துள்ளார். 18271 (28.8%) வாக்குகள் பெற்று விஜய் இரண்டாமிடம் பிடித்துள்ளார்.

    சூர்யாவுக்கு 495 வாக்குகளும், கமலஹாசனுக்கு 455 வாக்குகளும், சூப்பர் ஸ்டார் ரஜினிகாந்துக்கு 376 வாக்குகளும், சிம்புவுக்கு 199 வாக்குகளும், ஆர்யாவுக்கு 107 வாக்குகளும், சீயான் விகரமுக்கு 73 வாக்குகளும் கிடைத்துள்ளன.

    தனுஷ் 39 வாக்குகளும், மற்றும் விஷால் 35 வாக்குகளும் பெற்றுள்ளனர்.

    இந்த சர்வே துவங்கப்பட்ட நாளான ஜூன் 23-ம் தேதி அன்று விஜய் முதலிடத்தில் இருந்தார். அஜித் இரண்டாமிடத்தில் இருந்தார். அடுத்த மூன்று நாட்களில் அஜித் குமார், விஜயை இரண்டாமிடத்திற்கு தள்ளிவிட்டார்.

    காரணம், இணையதளத்தில் அஜீத்துக்கு அதிக ரசிகர்கள் உள்ளனர். இந்த வாக்கெடுப்பு விஷயம் தெரிந்ததும் அவர்கள் அதிகளவில் வாக்களித்து அஜீத்தை முதலிடத்துக்கு கொண்டுவந்துவிட்டனர். எஸ்எம்எஸ் மூலம் நண்பர்களுக்கு போன் செய்து, வாக்களிக்குமாறு கேட்டுக் கொண்டதும் நடந்தது.

    முன்பு வட இந்திய இணைய தளம் நடத்திய சர்வேயிலும் இதேபோல அஜீத் ரசிகர்கள் வாக்களித்தது குறிப்பிடத்தக்கது.

    English summary
    Ajith is the new youth icon among the Tamil cinema viewers, according to the online survey result published in Ananda Vikatan. Vijay got the second place in this survey.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X