Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
கஜினி கிளைமாக்சில் மீண்டும் விபத்து: அமீர்கான் காயம்
சூர்யா, அசின் நடிப்பில் தமிழில் சக்கை போடுபோட்ட சூப்பர் ஹிட் திரைப்படமான 'கஜினி' இந்தியில் தயாராகிவருகிறது. இதில் நடிகர் அமீர்கான் கதாநாயகனாக நடிக்கிறார்.
இந்த படத்தின் இறுதிக்காட்சி படப்பிடிப்பு ஹைதராபாத்தி்ல் நடந்து வருகிறது. நேற்று எடுக்கப்பட்ட சண்டைக்காட்சியில் அமீர்கானின் இடதுகாலில் மோசமான காயம் ஏற்பட்டது. இதனால் வலியால் துடித்து கிழே விழுந்துவிட்டார் அமீர்கான்.
உடனடியாக அவருக்கு சிகிச்சையளித்த டாக்டர்கள் குறைந்தது மூன்று வாரங்களாவது படுக்கையில் ஒய்வு எடுக்கவேண்டும் என்று அமீர்கானை அறிவுறுத்தியுள்ளனர். இதனால் படப்படிப்பு ரத்து செய்யப்பட்டது. படத்தின் கிளைமேக்ஸ் காட்சி தவிர மற்ற காட்சிகள் எல்லாம் எடுத்து முடிக்கப்பட்டுவிட்டது.
இதே காட்சியை கடந்த 2 வாரங்களுக்கு முன்பு படம்பிடித்தபோதும் இடது காலில் அடிபட்டது. ஆனால் அந்த காயத்தை பொருட்படுத்தாமல் மறுநாளே மும்பையில் அவருக்கு நடந்த பாராட்டுவிழாவில் சென்று கலந்து கொண்டார். பட்டகாலிலேயே படும் என்பது போல தற்போது மீண்டும் அந்த இறுதிக்காட்சியில் அதே இடத்தில் காயம் ஏற்பட்டுள்ளது.
இந்தமுறை காயம் மோசமாக உள்ளதாக அமீர்கான் தனது இணையதளத்தில் குறிப்பிட்டுள்ளார். வில்லனை துரத்தி ஓடி பாய்ந்து வீழ்த்துவது போன்ற காட்சியில் காலை உயரே தூக்கியபோது திடீரென்று கீழே விழுந்துவிட்டேன். என்ன நடந்தது என்றே தெரியவில்லை. இடது காலில் பயங்கர வலி. ஏற்கெனவே பட்ட அடி சரியாகிவிட்டதாக நினைத்துவிட்டேன். ஆனால் இந்தமுறை வலி மோசமாக உள்ளது.
இதுவரை எனக்கு இதுபோன்ற விபத்துகளே நடந்ததில்லை. கீழே விழுந்து அடிபட்டதாலோ, எதன்மீதாவது மோதியோ இந்த விபத்து நடக்கவில்லை. தசை கிழிந்து போனதால் இந்த காயம் ஏற்பட்டுள்ளது.