எக்ஸ்க்ளூசிவ்: சசிகுமாரின் படத்தைத் தயாரிக்கும் விக்ரம்!

கோடம்பாக்கம் நேசர்களுக்கு ஒரு ஸ்பெஷல் செய்தி... அடுத்த படத்தை இயக்கத் தயாராகி விட்டார் தியேட்டர் உரிமையாளர் - விநியோகஸ்தர்- தயாரிப்பாளர் - இயக்குநர் மற்றும் நடிகர் சசிகுமார்.

இந்தப் படத்திலும் முழுக்க முழுக்க புதுமுகங்களை மட்டுமே அறிமுகப்படுத்தப் போகிறார். பிரபலங்களுக்காக சமரசம் செய்து கொள்ளாத மனசு என்பதால்தான் இந்த முடிவாம்.

ஆனால் படத்தைத் தயாரிப்பது என்னவோ ஒரு பெரிய பிரபல நடிகர்தான். அவர் நம்ம சீயான் விக்ரம்!

படத்தில் அவர் தயாரிப்பாளர் மட்டும்தானாம். மற்ற அனைத்தும் சசிகுமாரின் விருப்பத்துக்கே விட்டுவிட்டாராம் விக்ரம்.

விரைவில் அதிகாரப்பூர்வ அறிவிப்பு வரும். இப்போதைக்கு வடபழனி பேருந்து நிலையம் பின்புறம் ஒரு தனி அலுவலகத்தில் டிஸ்கஷன் ஓடிக்கொண்டிருக்கிறது.

இதைவிட பெரிய செய்தி... படத்தை வாங்க இப்போதே வரிசையில் காத்திருக்கத் தயாராகிவிட்டார்கள் விநியோகஸ்தர்கள் என்பதுதான்...

அடடா... கேக்கவே சந்தோஷமா இருக்கே!