தனுஷுக்கு ஆடுகளம்- சிம்புவுக்கு 'தாதா' களம்!

இயக்குநர் வெற்றி மாறன் அடுத்து சிம்புவை இயக்கப் போகிறார். தனுஷை வைத்து ஆடுகளம் கொடுத்த அவர் சிம்புவை வைத்து ஒரு தாதா கதையை படமாக்கவுள்ளார்.

தனுஷ் நடித்த படம் ஆடுகளம். தேசிய அளவில் சிறந்த நடிகர் விருதை தனுஷுக்கு வாங்கிக் கொடுத்த படம் இது. மேலும் பல விருதுகளையும் அள்ளியது.

இந்த நிலையில் அடுத்து சிம்புவை வைத்து ஒரு படம் இயக்கப் போகிறார் வெற்றிமாறன். இது ஒரு தாதா கதையாம். வடசென்னைப் பின்னணியில் படத்தை உருவாக்குகிறார் வெற்றி மாறன்.

வட சென்னையை மையமாக வைத்து பெரும்பாலும் தாதா டைப் படங்கள்தானன் வருகிறது. வட சென்னை என்றாலே ரவுடிகள்தான் தெருக்களில் அதிகம் நடமாடுவது போல சித்தரித்து விட்டது தமிழ் சினிமா. அந்தவரிசையில் இப்போது வெற்றிமாறன், சிம்பு கூட்டணியும் ஒரு தாதா கதையை கையி்ல் எடுத்துள்ளதாம்.