முகப்பு

ஹீரோ

பிரபல பாலிவுட் நடிகர் ஆமிர்கான் கார்கள் மீது அலாதி பிரியம் கொண்டவர். ஓய்வு நேரங்களில் கார்களில் பயணம் செய்வது அவருக்கு பிடித்தமான பொழுதுபோக்கு. ஏற்கனவே அவரது வீடுகளை பல முன்னணி நிறுவனங்களின் காஸ்ட்லி கார்கள் அலங்கரித்து வருகின்றன.

இந்த நிலையில், புதிய ரோல்ஸ்ராய்ஸ் காரை சமீபத்தில் வாங்கியுள்ளார் ஆமிர்கான். இந்த கார் நேற்று மும்பை சதராவிலுள்ள ஆர்டிஓ அலுவலகத்தில் பதிவு செய்யப்பட்டது. ஏஜென்ட் ஒருவர் அந்த காரை பதிவு செய்வதற்காக ஆர்டிஓ அலுவலகம் கொண்டு வந்திருந்தார்.

ஆர்டிஓ அலுவலக வளாகத்தில் நிறுத்தப்பட்டிருந்த அந்த சில்வர் நிற ரோல்ஸ்ராய்ஸ் காரை, அங்கு வந்த பொதுமக்கள் சுற்றிலும் நின்று வேடிக்கை பார்த்தனர். அந்த கார் அட்விட்டல் போஸ்ட் ஸ்டூடியோஸ் லிமிடேட், 7டி, சில்வர் வாலி சொசைட்டி, மஹாபலேஸ்வர் என்ற முகவரியில் பதிவு செய்யப்பட்டுள்ளது.

மேலும், அந்த காருக்கு ரூ.3 லட்சம் கொடுத்து பேன்ஸி நம்பரை வாங்கியுள்ளார் ஆமிர்கான். மேலும், அந்த காருக்கு ரூ.47 லட்சம் வரியாக செலுத்தப்பட்டுள்ளது.

இதனை, சதரா ஆர்டிஓ அலுவலர் வி.ஆர்.குஜராத்தி உறுதிப்படுத்தினார். அந்த காருக்கு "எம்எச் 11 ஏஎக்ஸ்1"(MH 11 AX 1) என்ற பதிவு எண் வழங்கப்பட்டுள்ளது. ஆமிர்கானின் வேண்டுகோளின்பேரில் '1'ம் எண் ஒதுக்கப்பட்டதாகவும் அவர் தெரிவித்தார்.