twitter
    For Quick Alerts
    ALLOW NOTIFICATIONS  
    For Daily Alerts

    டாக்டர்கள் அறிவுரையால் ஓட்டுப் போடுவதைத் தவிர்த்த ரஜினி!

    By Shankar
    |

    Rajinikanth
    சென்னை: உள்ளாட்சித் தேர்தலில் கொளுத்தும் வெயிலிலும், கொட்டும் மழையிலும் நனைந்தபடி, நடிகர்-நடிகைகள் ஓட்டுப் போட்டார்கள்.

    வழக்கமாக அனைத்துத் தேர்தல்களிலும் காலையிலேயே வாக்குச் சாவடிக்கு வந்து ஓட்டுப்போட்டுவிடும் ரஜினி, இந்த முறை உள்ளாட்சித் தேர்தலில் வாக்களிக்கவில்லை. கூட்ட நெரிசலைத் தவிர்க்க வேண்டும் என மருத்துவர்கள் அறிவுறுத்தியுள்ளதால் அவர் வாக்குச் சாவடிக்கு வரவில்லை என்று கூறப்படுகிறது.

    ரஜினி வருவார் என்பதால் காலையிலிருந்தே ஸ்டெல்லா மேரீஸ் கல்லூரி வாசலில் காத்திருந்த ஏராளமான புகைப்படக்காரர்கள் இதில் ஏமாற்றமடைந்தனர்.

    ரஜினி மட்டுமல்ல, பெரும்பாலான நடிகர்-நடிகைகள் படப்பிடிப்புக்காக வெளியூர் சென்று விட்டதால், இந்த முறை வாக்களிக்கவில்லை.

    கமல்ஹாசன், 'விஸ்வரூபம்' படப்பிடிப்புக்காக வெளியூர் சென்றதால், ஓட்டுப்போடவில்லை.

    ஊரில் இருந்த சில நடிகர்-நடிகைகள் மட்டும் ஆர்வத்துடன் வந்து ஓட்டுப்போட்டார்கள்.

    நடிகர் விஜய், சென்னை அடையார் காமராஜர் அவன்யூவில் உள்ள மாநகராட்சி பள்ளியிலும், நகைச்சுவை நடிகர் விவேக், சென்னை சாலிகிராமத்தில் உள்ள ஜெயகோபால் கரோடியா பள்ளியிலும், நடிகை குஷ்பு, சென்னை சாந்தோமில் உள்ள மாநகராட்சி மேல்நிலைப்பள்ளியிலும் வாக்களித்தனர்.

    சினேகா, சென்னை தியாகராயநகரில் உள்ள ஆந்திரா பள்ளியில் அமைக்கப்பட்டிருந்த வாக்குச்சாவடியில், காலை 10.45 மணிக்கு வாக்குப்பதிவு செய்தார்.

    நடிகர் சிவகுமார், காலை 10.30 மணிக்கு தியாகராயநகரில் உள்ள இந்தி பிரசார சபாவுக்கு வந்து வாக்களித்தார். அந்தப் பகுதியில் வசிக்கும் லட்சிய தி.மு.க. தலைவரும் நடிகர்-இயக்குநருமான டி.ராஜேந்தரும் அதே சாவடியில் ஓட்டுப்போட்டார்.

    கொஞ்சம் வெோயில், கொஞ்சம் வெயில், கொஞ்சம் இருட்டு என மாறி மாறி கண்ணாமூச்சி காட்டிய வானிலைக்கு நடுவில், நட்சத்திரங்கள் தொடர்ந்து வாக்களித்தபடி இருந்ததால், கோடம்பாக்கம் மற்றும் சுற்றுப்புறப் பகுதிகளில் உள்ள வாக்குச் சாவடிகளில் புகைப்படக்காரர்கள் ரவுண்ட் வந்தபடி இருந்தனர்!

    English summary
    Usually Rajini casting his vote in all the election at the earliest. But this time he hasn't casting his vote in this election due to doctors advice.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X