2.0 பார்ப்பவர்கள் அந்த தப்பை மட்டும் பண்ணாதீங்க: தனுஷ்

விமர்சனம்

ஊரே 2.0 படம் பார்த்துவிட்டு ட்விட்டரில் கருத்து தெரிவிக்கிறது. ஆனால் ரஜினியின் தீவிர ரசிகனும், மருமகனுமான தனுஷ் கம்முன்னு இருக்கிறாரே என்று பேசப்பட்டது. தலைவர் படத்தை தனுஷ் பார்க்காமலா?. பார்த்துவிட்டார், கருத்தும் தெரிவித்துவிட்டார். ஆனால் கொஞ்சம் லேட்டா ட்வீட் செய்துள்ளார் அவ்வளவு தான்.

தலைவர்

2.0 ஹாலிவுட் படத்திற்கு இணையாக உள்ளது. மைண்ட் புளோயிங். தலைவா தி ஒன்லி ஒன். தமிழ்/இந்திய சினிமாவின் பெருமை ஷங்கர் சார். படக்குழுவுக்கு வாழ்த்துக்கள். இந்த படத்தை தியேட்டர்களை தவிர வேறு எங்கும் பார்க்க வேண்டாம் என்று தெரிவித்துள்ளார் தனுஷ்.

அக்ஷய் குமார்

அக்ஷய் குமார் சார் கதாபாத்திரமாகவே மாறியுள்ளீர்கள். கடவுளின் குழந்தையான ஏ.ஆர். ரஹ்மானுக்கு சல்யூட். ஜீனியஸ் நிரவ் ஷா, ஆர்ட் டைரக்டர் முத்துராஜ் சார் மற்றும் என் தோழி ஏமி ஜாக்சனுக்கு வாழ்த்துக்கள் என்று தனுஷ் ட்வீட் செய்துள்ளார்.

ஆன்லைன்

2.0 3டி தொழில்நுட்பத்தில் எடுக்கப்பட்டுள்ள படம். இதை தியேட்டரில் பார்த்தால் தான் நன்றாக இருக்கும். ஆன்லைனில் பார்த்தால் சகிக்காது. 2.0 படத்தை தமிழ் ராக்கர்ஸ் ஆன்லைனில் வெளியிட்டுள்ளது. ஆனால் 3டி எஃபெக்ட் அதில் இருக்காது.