Click it and Unblock the Notifications
தெலுங்கில் வில்லனான ஆர்யா!
தமிழில் அவர் நடித்த நான் கடவுள் தெலுங்கில் நேனு தேவுட்னி என்ற பெயரில் வெளியானது. இந்தப் படத்தில் ஆர்யாவின் தோற்றம், சண்டைக்காட்சிகளில் அவர் காட்டிய அசத்தல் வேகம் போன்றவை தெலுங்குப் படத் தயாரிப்பாளர்களின் பார்வையை இவர் பக்கம் திருப்பியுள்ளது.
விளைவு, நிறைய படங்களில் நடிக்க வாய்ப்புக்கள் குவிகிறதாம் ஆர்யாவுக்கு. ஆனால் ஹீரோவாக அல்ல, வில்லனாக.
இவற்றில் ஒன்று அல்லு அர்ஜுன் ஹீரோவாக நடிக்க, குணசேகர் இயக்கும் புதிய படம். இதில் பிரதான வில்லன் ஆர்யாதான்.
'நான் கடவுள் படத்தில் ஆர்யா நடிப்பு அருமை. அதைப்பார்த்துதான் அவரை ஒப்பந்தம் செய்தேன். இதில் ஹீரோ அல்லு அர்ஜுனுக்கு சமமாக, வில்லன் வேடமும் இருக்கும். இருவருக்கும் நடிப்பில் போட்டி நிலவும். படத்தின் முன்னேற்பாடு பணிகள் 8 மாதமாக நடந்தது. நேற்றுதான் ஷூட்டிங் தொடங்கினேன். ஆகஸ்டில் முடிகிறது. ஆர்யாவும் இன்னும் சில தினங்களில் ஷூட்டிங்குக்கு வந்துவிடுவார், என்றார் குணசேகர்.
ஆர்யாவுக்கும் இதில் ஏக குஷி. எந்த மொழி, ஹீரோவா வில்லனான்னு நான் பார்க்க மாட்டேன். நல்ல கேரக்டர் இருந்தா போதும். அப்படி ஒரு நடிகனா வரவே ஆசைப்படறேன் என்கிறார் ஆர்யா.
குட்... இப்படித்தான் சமர்த்தா இருக்கணும்!
Continue with Google