Click it and Unblock the Notifications
கமல் நடத்தும் திரைக்கதை பயிலரங்கம்!
இந்திய தொழில்நுட்ப கழகத்துடன் சேர்ந்து கமல்ஹாசனின் ராஜ்கமல் நிறுவனம் நடத்தும் இந்த பயிலரங்கம், சென்னை ஐஐடி வளாகத்தில் நடைபெற உள்ளது. கமல்ஹாசன் ஒரு விரிவுரையாளராக, திரைக்கதை குறித்த பல்வேறு பாடங்களை மாணவர்களுக்கு நடத்த உள்ளார்.
இதில் பிரான்ஸ் திரைப்பட திரைக்கதை ஆசிரியர் ஜான் க்லாட், வீடியோ கான்பிரன்ஸ் மூலம் மாணவர்களிடம் பேசுவார்.
இயக்குனர் ஹரிஹரன், இந்தி திரைப்பட எழுத்தாளர் அன்ஜும் ரஜ்ஜப் அலி, திரைக்கதை ஆசிரியர் அதுல் திவாரி உள்ளிட்டோரும் இந்த பயிலரங்கில் பங்கேற்க உள்ளனர்.
சொற்களை எப்படி காட்சிகளாக மாற்றுவது, தினசரி நிகழ்வுகளை எப்படி திரையில் கொண்டு வருவது போன்ற பல்வேறு வகுப்புகளை இந்தப் பயிலரங்கில் நடத்த உள்ளதாக இயக்குனர் ஹரிஹரன் தெரிவித்தார்.
இந்த வகுப்புகளில் பங்கேற்க விரும்பும் மாணவர்கள்,கமல்ஹாசனின் ராஜ்கமல் நிறுவனத்தை தொடர்பு கொள்ளலாம், என கமலின் மீடியா மேனேஜர் நிகில் முருகன் அறிவித்துள்ளார்.
தொடர்பு கொள்ள வேண்டிய மின்னஞ்சல்:
[email protected]
[email protected].
மேலும் விவரங்களுக்கு: http://screenwritingindia.com தளத்தையும் பார்க்கவும்.
Continue with Google