நவம்பரில் ராமராஜன் மகள் திருமணம்

சென்னை: நடிகரும் அதிமுக முன்னாள் எம்பியுமான ராமராஜனின் மகள் அருணா திருமணம் வரும் நவம்பர் மாதம் சென்னையில் நடக்கிறது.

நடிகர் ராமராஜன்-நளினி தம்பதிகளின் மகள் அருணா. இவர் எம்.ஏ., பி.எல். பட்டதாரி ஆவார். அருணாவுக்கும், குவைத்தில் ஒரு நட்சத்திர ஓட்டலில் மானேஜராக இருக்கும் ராமச்சந்திரன் என்பவருக்கும் திருமணம் நிச்சயிக்கப்பட்டுள்ளது.

இவர்களது திருமணம் வருகிற நவம்பர் மாதம் 30-ந் தேதி சென்னையில் நடைபெறுகிறது. திருமண ஏற்பாடுகளை ராமராஜனும், நளினியும் சேர்ந்தே செய்து வருகிறார்கள்.

இந்த திருமணத்துக்கு முதல்வர் ஜெயலலிதா நேரில் வருவார் என்று எதிர்ப்பார்க்கப்படுகிறது.