கமல் விலகல்: 19 ஸ்டெப்ஸ் கைவிடப்படுகிறது?

Heroes

oi-Staff

By Staff

| Published: Friday, June 26, 2009, 12:24 [IST]

கமல் ஹாஸன் நடிக்க மறுத்துவிட்டதால் அவரது நண்பர் பரத் பாலா தயாரித்து இயக்குவதாக அறிவிக்கப்பட்ட 19 ஸ்டெப்ஸ் படம் கைவிடப்படும் நிலையில் உள்ளது.

இந்தப் படத்தில் கமல் ஹாஸன் சிறப்புத் தோற்றத்திலும், ஜப்பான் நடிகர் தாடனோ அஸனோ நாயகனாகவும் நடிப்பார்கள் என அறிவிக்கப்பட்டது. அசின் களறி சண்டை வீராங்கனையாக இந்தப் படத்தில் நடிப்பதால், அவருக்கு ஒருமாத களறிச் சண்டையும் கற்றுத் தரப்பட்டது.

வால்ட் டிஸ்னியுடன் இணைந்து பரத்பாலா தயாரிக்கும் இந்தப் படம் இப்போது எடுக்கப்படுமா என்ற சந்தேகம் நிலவுகிறது.

காரணம் இந்தப் படத்தில் நடிப்பதாக கமல் இதுவரை அதிகாரப்பூர்வமாக அறிவிக்கவில்லை. குறிப்பாக கவுரவ வேடத்தில் நடிப்பதில் அவருக்கு உடன்பாடு இல்லையாம். கமல் நடிக்காதபட்சத்தில் படத்துக்கு நட்சத்திர அந்தஸ்து இருக்காது என்பதால் படத்தைக் கைவிடும் முடிவில் இருக்கிறாராம் பரத்பாலா.