நம்ம அப்பாஸா இவரு?.. சாக்லேட் பாய் டூ ரக்கட் லுக்.. ஆளே மாறிட்டாரே ப்பா

சென்னை: நடிகர் அப்பாஸ் 90களில் சினிமாவுக்குள் வந்து 2000களின் ஆரம்பத்தில் குறிப்பிடத்தக்க ஹீரோவாக வலம் வந்துகொண்டிருந்தார். அஜித் நடித்த கண்டுகொண்டேன் கண்டுகொண்டேன், கமல் ஹாசனுடன் பம்மல் கே சம்பந்தம், ரஜினியுடன் படையப்பா என முன்னணி ஹீரோக்கள் படங்களில் நடித்தவர். முக்கியமாக பெண் ரசிகைகளை அதிகம் கொண்டிருந்த அவர் சினிமாவில் பெரிய ரவுண்டு வருவார் என்று எதிர்பார்க்கப்பட்டது. ஆனால் திடீரென பட வாய்ப்புகள் குறைந்துபோக ஆள் காணாமல் போனார்.

காதல் தேசம் திரைப்படத்தின் மூலம் ஹீரோவாக அறிமுகமானவர் அப்பாஸ். அந்தப் படம் மெகா ஹிட்டானது. ஒரு பெண்ணை இரண்டு இளைஞர்கள் காதலிப்பது என்ற ஒன்லைனை வைத்து கதிர் அந்தப் படத்தை இயக்கியிருந்தார். அதில் அப்பாஸின் அழகும், நடிப்பும் யாரு இவர் என்று அனைவரையும் திரும்பி பார்க்க வைத்தது. முக்கியமாக ஏ.ஆர்.ரஹ்மான் இசையில் உருவான என்னை காணவில்லையே பாடலிலும், முஸ்தஃபா முஸ்தஃபா பாடலிலும் வினித்தைவிடவும் அப்பாஸ் அதிகம் ஸ்கோர் செய்திருந்தார் என்றே சொல்ல வேண்டும்.

தொடர் வாய்ப்புகள்: முதல் படத்தின் பிரமாண்ட வெற்றிக்கு பிறகு அப்பாஸுக்கு தொடர்ந்து பட வாய்ப்புகள் வர ஆரம்பித்தன. விஐபி, பூச்சூடச்வா, இனி எல்லாம் சுகமே, ஜாலி, ஆசைத்தம்பி, பூவேலி உள்ளிட்ட படங்களில் நடித்தார். ஆனால் அவர் எதிர்பார்த்த பெரிய வெற்றி எதுவும் கிடைக்கவில்லை. இருந்தாலும் அப்பாஸின் அழகும், நடிப்பும் தொடர்ந்து கவனம் ஈர்த்துக்கொண்டே இருந்தது. இப்படிப்பட்ட நிலையில் ரஜினியுடன் படையப்பா படத்தில் நடிக்கும் வாய்ப்பு கிடைத்தது. அதில் தனது நடிப்பை சிறந்த முறையில் வெளிப்படுத்தினார்.

Photo Credit:

Abbas Instagram

கண்டுகொண்டேன் கண்டுகொண்டேன்: அந்தப் படத்தில் அப்பாஸின் வேடமும் கவனம் ஈர்த்ததன் காரணமாக கண்டுகொண்டேன் கண்டுகொண்டேன் படத்தில் நடிக்கும் வாய்ப்பு கிடைத்தது. அதில் ஐஸ்வர்யா ராயை காதலித்து சூழ்நிலை காரணமாக அந்தக் காதலை பிரியும் கதாபாத்திரத்தை சிறப்பாக செய்திருந்தார். பிறகு கமலுடன் பம்மல் கே சம்பந்தம் படத்திலும் சிறந்த நடிப்பை வெளிப்படுத்தினார். முக்கியமாக மின்னலே படத்தில் தனது மாஸ் நடிப்பை வெளிப்படுத்தி அசால்ட்டாக அப்ளாஸை அள்ளியிருந்தார்.

காணாமல் போன அப்பாஸ்: இப்படி முன்னணி ஹீரோக்களின் படங்களில் முக்கியமான ரோல்களை ஏற்றுவந்த அப்பாஸ் தமிழ் மட்டுமின்றி மலையாளம், கன்னடம், தெலுங்கு, ஹிந்தி என பல மொழிகளில் நடித்தார். மேலும் பெண் ரசிகைகளையும் ஏராளமாக கொண்டிருந்தார் அவர். ஆனால் யார் கண் பட்டதோ தெரியவில்லை அவருக்கு பட வாய்ப்புகள் குறைந்தன. கடைசியாக 2015ஆம் ஆண்டு மலையாளத்தில் வெளியான பச்சக்கள்ளம் படத்தில் நடித்தார். அதற்கு பிறகு சுத்தமாக அவருக்கு வாய்ப்புகளே இல்லை.

வெளிநாட்டில் வேலை: அப்பாஸுக்கு பட வாய்ப்புகள் சுத்தமாக வற்றிப்போன பிறகு வெளிநாட்டுக்கு சென்றார். நியூசிலாந்து உள்ளிட்ட நாடுகளில் வசித்த அவர் பெட்ரோல் பங்க் உள்ளிட்ட இடங்களில் வேலை பார்த்துவந்தார். அதனையடுத்து சில யூடியூப் சேனல்களுக்கு பேட்டிகளும் கொடுத்து மீண்டும் லைம் லைட்டுக்கு வந்தார். நீண்ட வருடங்கள் கழித்து அப்பாஸை பார்த்த ரசிகர்கள் மகிழ்ச்சியடைந்தனர். மீண்டும் நடிக்க வேண்டும் என்ற கோரிக்கையையும் வைக்க ஆரம்பித்தார்கள்.

செம லுக்கில் அப்பாஸ்: இந்நிலையில் அப்பாஸின் லேட்டஸ்ட் லுக் தொடர்பான புகைப்படங்கள் வெளியாகியிருக்கின்றன. அதாவது முன்னர் எல்லாம் மீசை, தாடி எதுவும் இல்லாமல் சாக்லேட் பாய் லுக்கில் இருந்த் அப்பாஸ் இப்போது தாடியும், மீசையும் வைத்திருக்கிறார். இந்த புகைப்படங்களை பார்த்த ரசிகர்களோ அட நம்ம சாக்லேட் பாய் அப்பாஸ் ரக்கட் பாயாக மாறிட்டாரே. இவர் வில்லனாக நடித்தால் அருமையாக இருக்கும் என்று கமெண்ட்ஸ் செய்து அவைகளை சோஷியல் மீடியாக்களில் ட்ரெண்டாக்கிவருகின்றனர்.