Click it and Unblock the Notifications
ஆபரேஷன் செய்து கொண்ட நடிகர் ஆர்யா: ஓய்வில் இருக்கிறார்
நடிகர் ஆர்யா கடந்த சில மாதங்களுக்கு முன்பு கிரிக்கெட் விளையாடியபோது காலில் அடிபட்டுள்ளது. அப்போது முதல் உதவி எடுத்துக் கொண்டவர் வழக்கம் போல படப்பிடிப்புகளுக்கு சென்றுள்ளார். நாள் ஆக ஆக காலில் வலி ஏற்பட்டுள்ளது. இதையடுத்து மருத்துவமனைக்கு சென்று மருத்துவரை சந்தித்துள்ளார்.
அவரை பரிசோதித்த மருத்துவர்கள் அவருக்கு அறுவை சிகிச்சை செய்ய வேண்டும் என்று கூறியுள்ளனர். அப்போது அவர் இரண்டாம் உலகம், ஆரம்பம் ஆகிய படங்களில் பிசியாக இருந்ததால் அறுவை சிகிச்சை செய்யவில்லை. தற்போது இரண்டு படங்களின் படப்பிடிப்புகளும் முடிந்துவிட்டதையடுத்து அறுவை சிகிச்சை செய்து கொண்டார்.
இதையடுத்து அவர் மருத்துவர்களின் அறிவுரைப்படி தற்போது வீட்டில் ஓய்வு எடுத்துக் கொண்டிருக்கிறார். விரைவில் படப்பிடிப்புகளுக்கு செல்வார் என்று கூறப்படுகிறது.
Continue with Google