பிரபல நடிகரின் மனைவி மீண்டும் கர்ப்பம்... குவியும் வாழ்த்து !

பல படங்களில்

பாய்ஸ், காதலில் விழுந்தேன், தமிழுக்கு எண் ஒன்றை அழுத்தவும்,மாசிலாமணி, நான் ராஜவாகப் போகிறேன், வல்லினம், பிரம்மா ஆகிய படங்களில் நடித்தவர் நகுல். பிரபல நடிகை தேவயானியின் தம்பியான இவர், நடிப்பின் மீது கொண்ட ஆர்வம் காரணமாக தன்னுடைய உடல் எடையை பாதியாக குறைத்து, கதாநாயகனாக அறிமுகமானார்.

காதல் திருமணம்

இவர் கடந்த 2016ம் ஆண்டு தனது நீண்ட நாள் காதலியான ஸ்ருதி என்பவரை திருமணம் செய்துகொண்டார். நகுல் ஸ்ருதி தம்பதினருக்கு 1 வயதில் ஆகிரா என்ற அழகிய பெண் குழந்தை உள்ளது. தன்னுடைய குழந்தைக்கு ஒரு வருடம் முழுவதும் தாய்ப்பால் கொடுத்த அனுபவங்கள் குறித்து தனது இன்ஸ்டாகிராம் பக்கத்தில் மிகவும் உருக்கமான வார்த்தைகளால் பகிர்ந்து கொண்டுள்ளார் ஸ்ருதி.

மீண்டும் கர்ப்பம்

இந்நிலையில் நகுலின் மனைவி ஸ்ருதி மீண்டும் கர்ப்பமாகி இருப்பதாகவும், வரும் ஜூனில் தங்களின் இரண்டாவது குழந்தையை எதிர்பார்த்து காத்திருப்பதாகவும் சமூக வலைதள பக்கத்தில் தெரிவித்திருந்தார். இதனை பார்த்த ரசிகர்கள் நகுலுக்கும் ஸ்ருதிக்கும் வாழ்த்துக்களை தெரிவித்து வருகின்றனர்.

வாஸ்கோட காமா

நடிகர் நகுல் தற்போது வாஸ்கோட காமா என்ற திரைப்படத்தில் நடித்து வருகிறார். இந்த திரைப்படத்தை அறிமுக இயக்குனர் ஆர்.ஜி. கிருஷ்ணன் இயக்கி வருகிறார். இந்த திரைப்படத்தில் இயக்குனர் கே.எஸ். ரவிகுமார், முனீஸ்காந்த் மற்றும் ராஜேந்திரன் ஆகியோர் முக்கிய கதாபாத்திரங்களில் நடித்து வருகின்றனர். இத்திரைப்படம் தீபாவளிக்கு வெளியாக உள்ளது. அதேபோல ஜீ தமிழ் தொலைக்காட்சியில் சூப்பர் குயின் நிகழ்ச்சியையை தொகுத்து வழங்கி வருகிறார்.