சாமியே சரணம் ஐயப்பா.. ஈஸ்வரன் படம் வெற்றி பெற மலையேறும் சிம்பு!

நாளுக்கு நாள் ஏறிக்கொண்டே

எத்தனைத் தோல்வி திரைப்படங்கள் கொடுத்தாலும் சிம்புவுக்கு மட்டும் ரசிகர்கள் நாளுக்கு நாள் ஏறிக்கொண்டே போகும் நிலையில், சிம்புவின் அசைக்க முடியாத சொத்தாக அவரது ரசிகர்கள் இருந்து வருகின்றனர்.

திரையுலகமே அதிர்ந்து

வந்தா ராஜாவா தான் வருவேன் திரைப்படத்தில் உடல் எடை மொத்தமும் கூடி ஆளே டோட்டலாக மாறிப்போன சிம்புவை பார்த்து திரையுலகமே சிம்பு இனி அவ்வளவுதான் என பேசிக் கொண்டிருக்க, மாஸா ஸ்டைலா கெத்தா எடையை குறைத்து இப்பொழுது ஈஸ்வரன் திரைப்படத்தில் நடித்து இருக்கும் சிம்புவைப் பார்த்து அதே திரையுலகம் அதிர்ந்து போயுள்ளது

முன்னணி இயக்குனர்

மேலும் வெங்கட் பிரபுவின் இயக்கத்தில் உருவாகிவரும் மாநாடு திரைப்படத்தின் படப்பிடிப்பும் இப்பொழுது தொடங்கப்பட்டு பரபரப்பாக நடந்து வரும் நிலையில் படப்பிடிப்புத்தள புகைப்படங்கள் அவ்வப்போது கசிந்து வைரலாகி வரும் நிலையில் மாநாடு திரைப்படத்தை தொடர்ந்து முன்னணி இயக்குனர் ஒருவரின் திரைப்படத்தில் நடிக்க பேச்சுவார்த்தை நடைபெற்றுக் கொண்டிருக்கிறது.

லேட்டஸ்ட் போட்டோ ஷூட்

சிம்பு எது செய்தாலும் கோலிவுட்டில் ட்ரெண்டாகி வரும் நிலையில் சிம்புவின் லேட்டஸ்ட் போட்டோ ஷூட் புகைப்படங்கள் வித்தியாசமான கெட்டப்பில் இதுவரை பார்த்திராத லுக்கில் வெளியாகி இணையதளத்தை தெறிக்கவிட்டு வைரலானது.

சபரிமலைக்கு மாலை

இந்நிலையில் இப்பொழுது சபரிமலைக்கு மாலை போட்டுக்கொண்டு ஆழ்ந்த தியானத்தில் கருப்பு சட்டை கருப்பு வேஷ்டியுடன் உட்கார்ந்து இருக்கின்றவாறு சிம்பு வெளியிட்டுள்ள புகைப்படம் ஒன்று இப்பொழுது ரசிகர்களால் கொண்டாடப்பட்டு வைரலாகி வரும் நிலையில், ஏற்கனவே மாநாடு படப்பிடிப்பு நன்றாக செல்ல வேண்டும் என இயக்குனர் வெங்கட் பிரபு, தயாரிப்பாளர் சுரேஷ் காமாட்சி உள்ளிட்டோருடன் சிம்பு சபரிமலைக்கு சென்று வந்தது குறிப்பிடத்தக்கது.